Foto: ernur.kz

Monitoring boyınşa BJZQ-nıñ www.enpf.kz resmi saytı joğarı bağağa ie boldı jäne üzdik sayttardıñ biri bolıp tanıldı. Bwl turalı qordıñ aqparattıq qızmeti habarladı.

Sayt arqılı zeynetaqı jüyesi men Qor qızmetine qatıstı qajetti aqparattı aluğa jäne keri qoñırau şaluğa tapsırıs berip, «Keri baylanıs» böliminde saual joldau mümkindigi qarastırılğan. Basqarma Törayımınıñ Blogı arqılı Qor basşılığına tikeley swraq qoyuğa boladı.

Sonday-aq, BJZQ wyalı qosımşası salımşılar men aluşılar arasında ülken tanımaldıqqa ie. Sol arqılı Qordıñ ağımdağı körsetkişterinen bastap bölimşelerdiñ mekenjaylarına deyingi barlıq anıqtamalıq aqparattardı aluğa, Jeke kabinetke kirip, zeynetaqı jinaqtarınıñ jay-küyin biluge boladı. Ayta ketelik, zeynetaqı jinaqtarı jarnalar men investiciyalıq tabıstardan qwraladı. Qazirgi uaqıtta wyalı qosımşa iske qosılğan künnen bastap 1,9 mln ret jüktelgen. 2018 jılğı körsetkiş – 755 mıñ jüktelim bolatın.

Bwdan basqa, salımşılar men aluşılar kez kelgen uaqıtta Qordıñ baylanıs ortalığınıñ 1418 tegin nömirine qalalıq jäne wyalı telefonnan habarlasıp, jinaqtauşı zeynetaqı jüyesi turalı qajetti aqparattardı, sonday-aq, körsetiletin qızmetter men zeynetaqı zañnaması boyınşa keñes ala aladı. 2018 jılı baylanıs ortalığına 355 mıñ ret qoñırau şalınğan. Bwl 2017 jılğı körsetkişpen salıstırğanda 35 payızğa joğarı.

Sonımen birge, 2018 jılı Qordıñ barlıq baylanıs arnaları boyınşa azamattardan 543,1 mıñ ötiniş tüstiken. Bwl 2017 jılmen salıstırğanda 15 payızğa joğarı.

"The Qazaq Times"