اكىمدىكتەگى جينالىس ساتىنەن.

27 ناۋرىزدا  سولتۇستىك قازاقستان وبلىسى اكىمى قۇمار اقساقالوۆتىڭ توراعالىعىمەن وتكەن اپپاراتتىق كەڭەستە بىرقاتار ماڭىزدى ماسەلەلەر قاراستىرىلدى. ءبىرىنشى ماسەلە كوكتەمگى سۋ تاسقىنىنا بايلانىستى بولدى. بۇل تۋرالى وبلىستىق ءباسپاسوز قىزمەتى حابارلادى. 

توتەنشە جاعدايلار جونىندەگى دەپارتامەنت باسشىسى پاۆەل فيليپپوۆتىڭ بايانداماسى بويىنشا 24 ناۋرىزدا   Iشكiستەر ۆيتسە مينيسترi يۋري يلينسولتۇستiك قازاقستان وبلىسىنا جۇمىس ساپارى بارىسىندا  وبلىس اۋماعىندا سۋ تاسقىنى بولۋى مۇمكiنمەكەندەردi اۋەدەن باقىلاپ، كوكتەمگى سۋ تاسقىنىنا بايلانىستى دايىندىققا وڭ باعاسىن بەردى جانە بىرقاتار ەسكەرتۋلەر جاسادى.

«ۇلكەن تاراڭعۇل كولىنەن سۋدى سيفوندىق جولمەن اعىزۋ جۇمىسى جەتكىلىكسىز دەڭگەيدە جۇرگىزىلگەن. وسى ۋاقىتقا دەيىن چيريكوۆكا  اۋىلى ماڭىنداعى سۋ جينايتىن كانالدى تازالاۋ جۇمىستارى جاسالماعان»، - دەدى پاۆەل فيليپپوۆ.

سقو-دا 627 سۋ جۇرگىزۋ قۇبىرى بار، ولاردىڭ 580-ءى تازالانعان. اۋداندىق ماڭىزى بار اۆتوكولىك جولدارىندا 879 قۇبىر نەمەسە   98%-ى تازالانعان. رەسپۋبليكالىق ماڭىزى بار اۆتوكولىك جولدارىندا 478 قۇبىر نەمەسە 93%-ى تازالانعان.

پەتروپاۆلدا 11,2 مىڭ مەتر  اشىق جاۋىن-شاشىن سۋاعارلارى تازالانعان.

وسى ورايدا ءوڭىر باسشىسى قۇمار اقساقالوۆ  قالا اكىمى مارات تاسماعانبەتوۆتەن جاۋىن-شاشىن سۋاعارلارىن تازالاۋ بويىنشا اتقارىلىپ جاتقان جۇمىس تۋرالى سۇراپ ءبىلدى. وبلىستىق ورتالىق  باسشىسىنىڭ ايتۋىنشا 1 ساۋىرگە  دەيىن تولىق تازارتىلادى. «بۇدان باسقا، ۇستىمىزدەگى جىلى ەكاتەرينبۋرگ قالاسىنان ارنايى ماشينانى جالعا الامىز. بۇگىنگى تاڭدا جامبىل كوشەسىندەگى سۋاعارلاردى  تازالاۋعا كىرىستى. 1100 مەتر تازارتىلدى»، -دەدى مارات تاسماعانبەتوۆ.

وبلىس اكىمى  پەتروپاۆل جانە اۋدان اكىمدەرىنە  تەز ارادا  سۋ جىبەرۋ قۇرىلىستارى مەن سۋ اعىزۋ كانالدارىن تازالاۋ جۇمىستارىن اپتانىڭ سوڭىنا دەيىن اياقتاۋدى، ەلدى-مەكەندەردەن قار شىعارۋ جۇمىستارىن ەكى اۋىسىمدا ۇيىمداستىرۋدى، قاۋىپتى اۋماقتارعا  ينەرتتى ماتەريالداردى، ىدىس-قاپتاردى، تەحنيكانى دايىنداپ قويۋدى  تاپسىردى.

«ءبىزدىڭ ماقساتىمىز -  حالىقتىڭ قالىپتى تىرشىلىگىن قامتاماسىز ەتۋ ءۇشىن بارلىعىن جاساۋ. قاردان تازارتۋ، بارلىق سۋ وتكىزۋ قۇرىلىستارىن تازارتۋ ارقاسىندا جول توسەمى ساقتالادى»، - دەدى قۇمار اقساقالوۆ.

بۇگىنگى تاڭدا  جالپى العاندا وبلىستىڭ ەلدى-مەكەندەرىنەن  996 مىڭ تەكشە مەرت قار شىعارىلدى.

سونداي-اق، كەڭەستە وبلىستىڭ  الەۋمەتتىك-ەكونوميكالىق دامۋى مەن ەلدى-مەكەندەردى اباتتاندىرۋ مەن سانيتارلىق تازالاۋ ماسەلەسى قاراستىرىلدى.

وبلىس  باسشىسىنىڭ ويىنشا،  نەگىزگى ماقسات  جاڭا  كاسىپورىنداردى اشۋ مەن ىستەپ جاتقان كاسىپورىنداردى كەڭەيتۋ اياسىندا  جۇمىس ورىنداردى اشۋ.

جاڭا جۇمىس ورىندارىن اشۋ – بۇل اكىمدەر جۇمىسىنىڭ  باستى كورسەتكىشى. بۇل باعىتتا جۇمىس  تيميريازەۆ، مامليۋت جانە جامبىل اۋداندارىندا ناشار جۇرگىزىلۋدە.

جينالىستا يندۋستريالدى-يننوۆاتسيالىق  دامۋ باعدارلاماسى دا ءسوز ەتىلدى. وبلىستىڭ ەسىل، مامليۋت، جامبىل اۋداندارىندا  باعدارلامانىڭ ەكىنشى بەس جىلدىعى بويىنشا جوبالار جوق. وڭىردە  2017 جىلى 6 جوبانى ىسكە قوسۋ جوسپارلانعان.  وبلىس اكىمى وبلىسقا ينۆەستيتسيالاردى تارتۋ بويىنشا جاعىمدى جاعداي  جاساۋ قاجەتتىگىن اتاپ ءوتتى.

كەڭەستە اۋىل شارۋاشىلىعى سالاسى ماسەلەلەرى دە قاراستىرىلدى. ءوڭىر باسشىسى ءداندى بۇرشاقتى داقىلدارىن سەبۋدى 1,5 ەسەگە نەمەسە 89 مىڭ گەكتاردان 130 مىڭ گەكتارعا دەيىن  ارتتىرۋ ماقساتىن قويدى. «ۇستىمىزدەگى جىلى  بىزگە اۋىل شارۋاشىلىعى اينالىمىنا 71 مىڭ گەكتاردان كەم ەمەس ەگىستىك جەردى تارتىپ، ەگىستىك جەر قۇرامىنداعى  ەگىس اينالىمىن 75-تەن 80%-عا دەيىن ارتتىرۋ قاجەت»، -دەدى قۇمار اقساقالوۆ.

سونداي-اق، وبلىس اكىمى  كەزەكتى رەت  وبلىس ورتالىعى مەن اۋلا ماڭايىن  اباتتاندىرۋ مەن سانيتارلىق تازالاۋ ماسەلەسىنە نازار اۋدارىپ، ءوڭىردىڭ ءاربىر ازاماتىن بۇل جۇمىسقا تارتۋ قاجەتتىلىگىن اتاپ ءوتتى.

“The Qazaq Times”