Foto: autopoisk24.ne

Soltüstik Qazaqstan oblısı basşılığı Germaniyanıñ «CLAAS» koncernimen kelissözder jürgizude. Bwl jayında öñir basşısı Qwmar Aqsaqalov oblıstıq äkimdiktiñ otırısında mälimdedi, dep habarlaydı äkimdiktiñ baspasöz qızmeti. 

«Biz bwrınğı «Qaztehmaş» zauıtınıñ aumağında auıl şaruaşılığı tehnikasın jinaytın jaña käsiporın aşudı josparlap otırmız. Säuir ayında nemistiñ «CLAAS» kompaniyasımen kelissözderdi tämamdaymız. Bizdiñ delegaciya Germaniyağa bardı, olardıñ ökilderi bizge keldi. Auıl şaruaşılığı ministrine kirip şıqtı, barlıq instanciyalar ötti. Säuirdiñ basında tağı kezdesip, naqtı şeşim şığaramız. Bwl kompaniya kombayn, traktor jäne egin sebu keşenderin jinaytın älemdik köşbasşı. Öte qızıqtı joba boladı», - dedi Qwmar Aqsaqalov.

Sonday-aq öñirde transformatorlar şığaratın zauıttı salu jöninde de mäsele qaralıp jatır. Qazir jobanıñ qwrıltayşılarımen kelissözder jürgizilude. Bwğan qosa, «Ziksto» zauıtınıñ aumağında jaña vagon jinau zauıtın qwru josparda bar. Öndiris oşağınıñ quattılığı jılına 5 mıñ vagondı qwramaq.

“The Qazaq Times”