Qazaqtıñ wlı aqını, şeber audarmaşı, publicist, Alaş qozğalısınıñ qayratkeri Mağjan Jwmabaevtıñ 125-jıldığına oray «Mağjan Jwmabaev mwrası jäne älemdik ruhaniyat» taqırıbındağı ğılımi-praktikalıq konferenciya ötti. Konferenciyanıñ aşıluında söz söylegen oblıs äkimi Qwmar Aqsaqalov öñirde aqınnıñ mereytoyına oray 450 den asa türli şara ötkizilip jatqandığın atap ötti, dep habarlaydı SQO äkimdiginiñ baspasöz qızmeti.

«Ol halqınıñ bolaşağı üşin küresetin negizgi küş –jastar dep ötti. Büginde elimizde közi aşıq, kökiregi oyau, sanalı jastar ösip keledi. Mağjannıñ jolın jalğaytın, senimin aqtaytın osılar. Sizderdiñ bügingi konferenciyada jasağan bayandamalarıñız, äkelgen eñbekteriñiz olarğa ülken oy saladı dep senemin»,- dedi Qwmar Aqsaqalov.

Mağjan Jwmabaevtıñ 125 jıldığına arnalğan «Estelik jäne mereytoylıq merekeler» seriyasındağı markanı saltanattı tanıstıru räsimi jasaldı. «Estelik jäne mereytoylıq merekeler» poşta markası 4 tüsti boyaulı ofsettik basılımmen on markadan twratın paraq türinde jasalğan, perforaciyası aydarlı, taralımı 10 000 dana. 2018 jıldıñ 25 mausımında Qazaqstan Respublikasınıñ Aqparat jäne baylanıs ministrligimen Mağjan Jwmabevtıñ 125 jıldığına arnalğan poştalıq marka aynalımğa engiziledi.

Konferenciyada marapattau räsimi de ötti. Aqın şığarmaşılığın nasihattauğa qosqan eleuli eñbegi üşin aymaq basşısı Mağjan Jwmabaevtıñ 125 jıldığına arnalğan «Mağjan Jwmabaev» tösbelgisimen qadirli meymandar men eñbegi siñgen azamattardı marapattadı.

Konferenciyada Mağjan Jwmabaevqa arnalğan üş kitaptıñ twsau keser räsimi ötti.

"The Qazaq Times"