Soltüstik Qazaqstandağı Respublikalıq aytıs.

Petropavlda Naurız meyramı qarsañında  qazaqtıñ wlı jazuşısı, eñbek eri, osı oñirdiñ tuması Ğabit Müsirepovtiñ 115 jıldığına oray respublikalıq aqındar  aytısı ötti.

Bwl bayqauğa Respublikanıñ 9 oblısınan suırıp-salma aqındarı qatıstı.

Sayıstıñ bas jüldesi – gran-pri men 600 mıñ teñgeni türli halıqaralıq aqındar sayısınıñ jüldegeri Pavlodar oblısınan kelgen Aspanbek Şwğataev jeñip aldı.

Gran-pridi wtıp alğan aytısker aqın Aspanbek Şwğataev

1 orın men 400 mıñ teñgeni qarağandılıq suırıp-salma aqını Maqsat Aqanov ielendi.

2 orın eki jülde: «Er Jänibek» halıqaralıq qoğamdıq qorı tağayındağan «Twrsınbek Käkişev» atındağı 300 mıñ teñge sıylıqtı Qızılordadan kelgen Möldir Aytbay ielense, tağı bir 300 mıñ teñgelik jüldeni Soltüstik Qazaqstandıq Mwhamed Qoñqaev aldı.

Jüldeli 3 orın  alğan Şığıs Qazaqstan oblısınan kelgen Nwrjan Ömirbaevqa  Mağjan Jwmabaev audanı äkimdiginen   Erik Asqarovtıñ atınan arnayı sıylıq pen 200 mıñ teñgenı iemdense endi bir 200 mıñ teñgeni   Qarağandı oblısınıñ ökili – Didar Qamiev iemdendi.

“The Qazaq Times”