"Naurız-Aytıs" merekelik şarasına qatısqan aqındar. Foto: Şımkent qalasınıñ mädeniet basqarması
Naurız meyramı men Täuelsizdiktiñ 30 jıldığına oray Şımkent qalasında ötken aytıstıñ byudjeti men jwmsalu barısı bwlıñğır. Megapolistiñ memlekettik qızmetkeri änşi Säken Mayğaziev wyımdastırğan merekelik şaranıñ jay-japsarına üñilip, 40 millionnıñ bayanın anıqtauğa tırıstıq.
Qalalıq mädeniet basqarmasınıñ jelidegi paraqşasında jariyalanğan derekke say, osı jwma-senbi künderi ötken «Naurız-Aytıs» sayısına 16 aqın qatısqan. Eki künge josparlanğan şara byudjetten qarjısına wyımdastırılğan. Pandemiya şağında ötken merekelik şarağa jwmsalğan qarajattıñ somasın memlekettik satıp alu portalınan izdestirip kördik.

Facebook jelisinen alınğan skrin-foto

Säken Mayğaziev basqaratın Şımkent qalalıq mädeniet üyi osı aytıstı ötkizu üşin «Quraq Group» JŞS-men kelisim-şart jasasqan. Qwnı 40 million teñge. Kelisim şartqa Mayğazievtıñ özi qol qoyğan. Tender «tikeley bir közden satıp alu» täsilinde ötken. Demek Mayğaziev basqaratın mekeme aytıs ötkizu üşin portalda eşqanday habarlandıru jariyalamağan, tapsırıstı orındauşı retinde birden «Quraq Group» kompaniyasın tañdap alğan.

Memlekettik satıp alu operaciyası turalı jalpı mälimet. Skrin-foto: goszakup.gov.kz

Önerpaz-şeneunik basqaratın mekemeniñ meyiri tüsip, 16 aqındı eki kün aytıstırıp, 40 mln teñgege qarıq bolğalı twrğan «Quraq Group» kompaniya jöninde aşıq derekközderdegi aqparattardan köruge boladı.

Satıp aluğa qatısqan taraptar. Skrin-foto: goszakup.gov.kz

Bıltır 8 şilde Şımkent qalasında resmi türde tirkelgen. Bastığı – 27 jastağı Sağıntaev Baqdäulet Batırhanwlı degen azamat. Statistika komitetiniñ saytında bwl kompaniya jihaz jasaumen aynalısatını jazılğan. Osı uaqıtqa deyin memleketke bir tiın salıq tölemegen. Kompaniyanıñ resmi tirkelgenine 9 ayğa juıq uaqıt ötse de, äli jwmıs istemegenin bildiredi.

Kontragentterdi tekseruge arnalğan pk.uchet.kz resursınan

Osı twsta Säken Mayğazievke «Jihaz jasaumen aynalısatın äri bwğan deyin eşqanday jwmıs istemegen kompaniyağa aytıs ötkizudi qalay senip tapsırdıñızdar? Bwl kompaniyanı tañdarda ne närseni negizge aldıñızdar?» degen swraq tuadı.

Byudjeti qomaqtı aytıstıñ körermenderi köp bolğan joq. Foto: Qalalıq mädeniet basqarması

Aytpaqşı, 16 aqın qatısatın, jülde qorı şamamen 6 mln teñge bolatın aytısqa 40 mln teñge köp emes pe degen saual oylandıradı. Bizdiñşe, öte köp. Olay deuge tolıq negiz bar. Öytkeni 26 aqpanda Taraz qalasında da aytıs ötken edi. Onı wyımdastırğan Jambıl oblısınıñ mädeniet basqarmasına qarastı «Oblıstıq halıq şığarmaşılığı ortalığı» aytıstı ötkizu üşin byudjetten şamamen 4 mln teñge jwmsağan. Al ol aytıstıñ jülde qorı 7,2 mln teñge şamasında (bwl aqşa qaydan bölingeni belgisiz, biraq YouTube portalında jariyalanğan marapattau räsimindegi beynejazbadağı tabıstalğan sertifikattardan esepteuge boladı – avt.). Sonda Tarazdağı aytısqa barlığı 11,2 mln teñge jwmsalıp twr. Jaraydı, qazılıq jasağan 7 adamğa jäne aytıstı jürgizgen Jürsin Ermanğa şamamen 2 mln teñgedey gonorar berildi delik. Sonda barlığı 13,2 mln teñge boladı. Jan-jaqtan kelgen aqındar men qazılardıñ jolaqısın qosa qarastırsaq, barlığı 15 mln teñgege juıqtaydı. Bwl – bir ay bwrın ğana Tarazda ötken aytıstıñ şığını.
Şımkentte ötip jatqan aytıs 2 künge sozılatındıqtan, şığını qomaqtı degen künniñ özinde 5 mln qarjı ketken bolar. Sonda şarağa 20 mln jwmsaladı dese de, köñilge qonımdı, oyğa sıyımdı bolar ma edi? Aytpaqşı, Tarazdağı aytısqa 22 aqın qatısqan, al Şımkentte – 16 aqın.

Äkim orınbasarı Şıñğıs Mwqan qwttıqtau sözin söylep twr. Foto: Qalalıq mädeniet basqarması

P.S. Aytısqa 40 mln teñge bölingenin aqındar da, qazılar da bilmeytin şığar. Senbi Şımkenttegi «Türkistan» sarayında aytıstıñ finalı ötedi.
Aybek Qaliev, Aspanbek Şwğataev, Meyirbek Swltanhan, Şwğayıp Sezimhan, Kazıret Berdihan, Qajımwhan Abzalov, Nwrlan Esenqwlov, Rauan Kaydarov jäne Bauırjan Şirmedinwlı siyaqtı söz barımtaşılar qatısatın aytısta «elim» dep eñireytin şayırlardıñ qaysıbiri bolmasın finalda osı mäseleni qozğap, Şıñğıs Mwqan men Säken Mayğazievten 40 mln teñgeniñ esebin swrar degen ümittemiz.