Körneki suret. Foto: aşıq derekköz

Almatı oblıstıq sotınıñ baspasöz qızmeti Qazaqstan-Qıtay jwmısşılarınıñ arasında dau tuğan «Citic Construction» kompaniyasında zañsız jwmıs istegen qıtaylıq immgranttar tekseristen keyin deportaciyalanğanın habarladı.

Taldıqorğan mamandandırılğan äkimşilik sotı, sonday-aq Aqsu audandıq sotı Äkimşilik qwqıq bwzuşılıq turalı kodekstiñ 517-babınıñ 2-böligi (Şeteldikterdiñ nemese azamattığı joq adamdardıñ halıqtıñ köşi-qonı turalı zañnamanı bwzuı) boyınşa 70 Qıtay azamatına qatıstı qozğalğan  äkimşilik isti qarağan.

Esteriñizde bolsa, keşe qoğamdıq rezonans tudırğan, qwzırlı organdarğa qatıstı köleñkeli twsı köp is boyınşa Almatıdağı Adam qwqıqtarı jönindegi qazaqstandıq halıqaralıq byuroda azamattıq qoğam belsendileri men qamalğandardıñ ökilderi arnayı baspasöz jiının ötkizgen edi.

Vedomstvonıñ bügingi habarlamasına qarağanda, 9 qazandağı sot şeşimderimen QHR-nıñ barlıq 70 azamatı kinäli dep tanılıp, olarğa elden şığaru türinde «äkimşilik jaza» qoldanılğan. Biraq mälimdemede «Citic Construction» kompaniyasına qatıstı qoldanılğan şaralar jayında eşteñe aytılmağan. Belsendilerdiñ aytuınşa, zañsız immigranttardı qızmetke tartıp, kadrlıq alauızdıq pen äleumettik alalauğa jol bergeni üşin Qazaqstannıñ Eñbek zañın bwzğan kompaniyağa bilik «eşqanday ayıppwl, basqa da şaralar qoldanbağan, tek eskertu jasağan». Sot aktileri küşine enip, şet memlekettiñ azamattarı Qazaqstan aumağınan şığarılğan desedi.

Byurodağı 5 qazaqstandıqqa araşa swrağan jiında jurnalist, qoğam belsendisi  Rısbek Särsenbaywlı öz sözinde:

– Eñ negizigi mäsele, bwl jerde memleket öz azamatatrınıñ müddesin qorğay almay otır. Qazaq biligi qazir investorlardı qwdayınday köredi. Töbesine tayrañdatıp qoydı. Qıtaymen jasalğan kelisim-şarttar jabıq. Bwl aşıq boluı kerek. 69 qıtay azamatınıñ zañsız jüruine kim jol berdi? Sonı anıqtap jazalau kerek. Jii reyd jasau qajet. Zañsız jürgen şeteldikterdi anıqtauğa qoğam belsendileride atsalısu kerek. Mına töbeleste qıtay azamattarı «perişte» boldı. Qazaqtar – qılmısker. Bwlay bolmaydı, – degen bolatın.

"The Qazaq Times"