Soltüstik Qazaqstan oblısınıñ äkimi Qwmar Aqsaqalov jwrtşılıqpen merekelik kezdesu.

Coltüstik Qazaqstan oblısınıñ jañadan tağayındalğan äkimi Qwmar Aqsaqalov Naurız meyramı qarsañında oblıs jwrtşılığımen kezdesti, kezdesu barısında konstruktivti swhbat ötti. Bwl turalı oblıstıq baspasöz qızmeti habarladı. 

«Mereke aldında sizdirmen arnayı kezdesudi jön kördim.  Özderiñiz körip, estip otırsızdar, eki kün işinde bükil audan äkimderin, qala äkimderiniñ esepterin tıñdadım, qabıldadım, keşe basqarma men departament basşılarımen de äñgime ötkizip, problemalardı talqıladıq», - dedi oblıs äkimi.

Oblıs äkimi qatısqan is-şarağa WOS, eñbek, sport ardagerleri, Qazaqstannıñ Eñbek siñirgen qayratkeri, oblıstıñ qwrmetti azamattarı, qoğamdıq keñesterdiñ törağaları qatıstı.

«Minekey bügin ülken merekeniñ aldında qoğamdıq pikirdi qalıptastıratın azamattarmen kezdesu wyımdastırdıq. jön sanap, Sizderdiñ oylarıñızben bölisip, pikirleriñizdi, wsınıstarıñızdı tıñdau üşin aldarıñızğa kelip otırmız», - dep atap ötti Qwmar Aqsaqalov.

Öñir basşısı jinalğandardı Naurız meyramımen qwttıqtay  otırıp, köktem merekesin tek qalalar men auıldardıñ alañdarı men köşelerinde toylamay, sonday-aq, är aulada da toylaudı wsındı.

«Osı jılı bizder Naurız meyramın aulalıq aumaqtar men twrğın üy–jaylarında qarsı aludan bastasaq,  jaqsı dästür bolar edi. Aulalardağı kire-beristerdi, balalardıñ oyın alañdarın, trotuarlardı, arıqtar men jauın-şaşın käriz jüyesin qardan tazartu, soñında, mümkindiginşe, barlıq aulada merekelik  dastarqan jayıp, qızıqtı wlttıq oyındardı wyımdastıru. Osı barlıq is-äreketter bizdegi birlik pen ıntımaqtastığımızdı odan äri nığaytatınına senimdimin», - dedi öñir basşısı.

Petropavl qalasınıñ twrğın üyler alabında 400-den astam  aula bar.

Naurız meyramı köne zamannan beri jandanu men tabiğattıñ jañaruın bildiredi. Sonımen birge, bwrınğı zamanda Naurız kelgenge deyin adamdar öz üyleri men şaruaşılığın tazalıq pen tärtipke keltirgen. Naurız taza üyge kelse, auru-sırqau, sätsizdikter, qasiret üy ielerinen aynalıp ketedi dep sengen.

Soltüstik Qazaqstan oblısınıñ äkimi Qwmar Aqsaqalov jwrtşılıqpen merekelik kezdesu.

Anıqtama üşin:

1991 jıldıñ 15 naurızınan bastap  Qazaqstannıñ Prezidenti Nwrswltan Nazarbaev öziniñ Jarlığımen 22 naurızdı, köktemgi kün men tünniñ teñeluin, merekelik kün dep jariyaladı. Qazaqstan Respublikasınıñ «Merekeler» turalı zañına säykes Naurız meyramı – memlekettik mereke. Üstimizdegi jılı Ükimettiñ Qaulısımen Qazaqstan azamattarı 5 kün demalu mümkindigine ie boldı.