Bwdan elu jıl bwrın wqsamağan eki eldiñ azamatı bolu öte sirek bolsa, qazirgi kezde bwnday adamdar öte köp. Soñğı jıldarı basqa bir eldiñ azamattıq satıp alu qaltalılar arasında trendke aynalğan. Mol qarjığa ie adamdar üşin bir eldiñ azamattığın aludıñ jaña jolı da payda bolğan, yağni, sol elge investiciya salu.

Anıqtalğan mälimetterge qarağanda, älem elderiniñ jartısınan astamında investorğa öz azamattığın wsınu turalı zañ-ereje bar bolıp şıqtı. Tipti, investiciya arqılı pasport satıp alu ğalamdıq bizneske aynalğan. Jılına azamattıq satıp alu üşin audarılatın qarjınıñ kölemi 25 mlrd AQŞ dollarınan asıp tüsedi.

Batıstıq aqparat qwraldarı azamattıq alıp beruge deldaldıq etetin kompaniyalar men qwqıq qorğauşılardıñ aşıq-äşkere tabıstı biznespen aynalısıp otırğanın jazadı. Bwnday biznespen aynalısqandardıñ köbi bwrınğıday azamattığın şeteldik twlğalarğa beruge şekteu qoyu nemese qiındatu «eskilik» retinde qaraydı.

«Qazirgi kezde adamdardıñ bir elge baylanuına tek az ğana faktorlar qaldı. Jahandasu kezinde bir elde tuıp, ekinşi elde ömir süru qalıptı qwbılısqa aynaldı», – deydi şveycariyalıq advokat Kristian Kalin. Ol jäne: «Bir elde düniege kelgeniñ üşin sol jerdiñ ğana zamatı bolıp qalu degen ädiletsizdik. Bwl adamnıñ sipatı men talantı turalı aytılğan söz emes. Baqıttı bolsañ damığan eldiñ azamatısıñ, baqıtsız bolsañ naşar eldiñ azamatı bolıp jasaysıñ degen qanşalıq ädiletti? Azamattar tek bir klubtıñ ğana müşesi bolsın deu qatelik. Qoğam damuına üles qosuşılar üşin azamattıq berudiñ qay jeri qate?!», – degen pikirde.

Älemdik ürdis qatarında aytılıp otırğan bwl jağday bolaşaqta qalıptı qwbılısqa aynaladı degen boljamşılar da bar. Qazir keybir elder azamattığın qanşa aqşağa satıp beretinin aşıq körsetedi. Aytalıq, AQŞ öz elinde 10 adamdı jwmıspen qamtitın jwmıs ornın aşqan investorğa 500 mıñ da 1 mln dollar şamasında azamattığın satıp beredi. Britaniya öz pasportın 2-2,5 mln dollar dep bağalağan. Arı qaray Mal'ta – 1 mln dollar, Ispaniya 550 mıñ dollar, Bolgariya 560 mıñ dollar, Portugaliya 384 mıñ dollarmen öz azamattığın beredi.

“The Qazaq Times”