Biıl 8 ayda azamattıq aviaciyada 5,6 mln jolauşı tasımaldanğan. Atalğan körsetkiş ötken jıldıñ säykes kezeñimen salıstırğanda 1,8%-ğa artıq. Sanı men qwnı artqan qazaqstandıq avia salasında qanday jañalıqtar bar? Aldağı künderi äue biletteriniñ bağası arzanday ma? Osı saualdar töñireginde ötken Ükimet otırısında azamattıq aviaciyanı damıtu mäseleleri jäne äue biletteriniñ bağasın odan äri tömendetu şaraları qaraldı.

Prem'er-ministr saytınıñ mälimetinşe, saladağı jağday turalı QR industriya jäne infraqwrılımdıq damu ministri B. Atamqwlov, «Samwrıq-Qazına» AQ kölik jäne logistika jönindegi basqaruşı direktorı Q. Alpısbaev, QR energetika ministri Q. Bozımbaev, «Eyr Astana» AQ prezidenti P. Foster bayandağan.

Qazirgi uaqıtta Singapur men Şanhayğa reys aşu qarastırılıp, N'yu-Yorkke wşu üşin otandıq aviakompaniyalardı akkreditteu jürgizilip jatır. Al barınşa keñeytilip jatqan wşu geografiyasına zer salsaq, Qazaqstan 99 halıqaralıq bağıtta 24 şet elmen äue qatınasın jüzege asıradı, sonıñ işinde 2019 jılı Nwr-Swltannan Tokioğa, Pragağa, Wlan-Batırğa bağdarlar aşıldı. 9 älemdik qarjı ortalıqtarımen twraqtı äue qatınası ornatılğan. Halıqaralıq qatınastan bölek, tayau arada Qostanay jäne Balqaş äuejaylarınıñ wşu-qonu jolağınıñ rekonstrukciyası, Türkistandağı äuejay qwrılısı men Şımkenttegi terminal qwrılısı ayaqtalıp, öñirlerde şağın aviaciya men aerodromdardı damıtu jönindegi bağdarlama äzirlenbek.

Resmi derekterge köz jügirtsek, biıl qazaqstandıq MÖZ-derdi jañğırtudıñ arqasında aviaciyalıq otın öndiru kölemi 2018 jılğı öndirispen salıstırğanda 694 mıñ tonnağa yağni 1,8 esege ösken. Jıldıñ «jañalığı» retinde avia biletterdiñ bağasın tömendetu maqsatında arzan bağalı äue kompaniyası – «FlyArystan» loukosteri aşılıp, mamırdan bastap 450 mıñnan astam bilet, olardıñ 60%-ğa juığı 10 mıñ teñgege deyin minimaldı tarifter boyınşa satılğan. Jaqın uaqıtta Nwr-Swltannan Pavlodar, Semey jäne Şımkent qalalarına bilet bağası 5999 teñgeden bastalatın jaña reyster aşıladı. Pavlodarğa opciondıq tarifter 999 teñgeden bastap satılımğa şıqqan. 2020 jıldıñ soñına deyin loukoster Mäskeuge halıqaralıq baylanıstar aşudı josparlap otır.

Sonımen, özekti taqırıptı talqılau maqsatında ötken Ükimet otırısınıñ nätijesinde Asqar Mamin otandıq äuejaylarda şeteldik aviakompaniyalar üşin «aşıq aspan» rejimin wsınu jwmısın belsendi jürgizudi, sonımen qatar, «Samwrıq-Qazına» qorına 2020 jılı memlekettik holdingtiñ basqaruındağı aviakompaniyalardıñ äue kemeleri parkin wlğaytudı jäne olardıñ wşu geografiyasın keñeytudi qamtamasız etudi tapsırdı. Prem'er-ministrdiñ aytuınşa, bwl jaña şeteldik aviakompaniyalardı tartuğa, bağıttardı köbeytuge, aviakompaniyalar arasındağı bäsekelestikti arttıruğa mümkindik beredi.

"The Qazaq Times"