Azamattıq belsendi Sanavar Zakirova jäne Ükimet basşısı Asqar Mamin. Fotokollaj: QT

Astananıñ äkimşilik sotı reseylik «Sber» kompaniyalar tobımen memorandum jasasqan prem'er-ministr Asqar Mamindi sotqa bergen belsendiniñ şağımın keri qaytardı.

Bwl jöninde 17 qırküyekte azamattıq belsendi Sanavar Zakirova Facebook jelisindegi paraqşasında habarladı.

«Memorandum äkimşilik akt emes – taraptardıñ äriptestik jaylı kelisimi, qoğamdıq-qwqıqtıq emes, rekomendaciyalıq sipatqa ie. Atalğan memorandumğa qol qoyu äkimşilik äreket bolıp sanalmaydı» delingen sud'ya Qwranbek beysenbide şığarğan şeşimde. Sonımen qosa, şağımdı äkimşilik öndiris tärtibinde qarauğa kelmeytini jazılğan.

Belsendi Zakirova QT redakciyasına apellyaciyalıq sotqa şağım tüsiretinin habarladı. Ol osı aptanıñ basında Qazaqstan Ükimetiniñ basşısı Mamin men jartısına Resey biligi ielik etetin «Sber» kompaniyası basşılığı jasasqan kelisimdi sınap, onıñ «Konstituciyağa  qayşı jäne Qazaqstan azamattarına qauip töndiretinin» aytıp sotqa şağım jazğan edi.

3 qırküyekte Qazaqstan ükimeti reseylik «Sber» kompaniyalar tobımen Qazaqstannıñ cifrlıq ükimetine arnalğan platforma qwru jöninde memorandumğa azamattıq qoğam kelisiminsiz qol qoyğan.

The Qazaq Times