Özbekstan qauipsizdik qızmetiniñ eks-basşısı 18 jılğa sottaldı.

Qırküyek ayınıñ 27-i küni Özbekstan äskeri sotı Memlekettik qauipsizdik qızmetiniñ bwrınğı basşısı Ihtier Abdullaevtı 18 jılğa bas bostandığınan ayırdı. Oğan "qılmıstıq top qwrdı", "para aldı", "Özbekstannıñ müddesine qayşı kelisim jasadı", "bopsaladı", "bötenniñ mülkin jımqırdı", "keden zañnamasın bwzdı", "qızmettik ökiletin asıra paydalandı" jäne özge de ayıptar tağılğan.

Abdullaevtan bölek, 20-dan astam eks-şeneunikke ükim şıqtı. Olardıñ işinde Bas prokurordıñ bwrınğı orınbasarı Gayrat Hidoyatov 5 jılğa, Memlekettik qauipsizdik qızmeti törağasınıñ bwrınğı orınbasarı Jahongir Igamov 16 jılğa, Memlekettik qauipsizdik qızmeti törağasınıñ keñesşisi Älişer Işanhodjaev 17 jılğa, Taşkent qalası prokurorınıñ bwrınğı orınbasarı Erkin Abdullaev 14 jılğa,  Ädilet ministrliginiñ kadrlarmen jwmıs basqarması törağasınıñ bwrınğı orınbasarı Erkin Abdullaev 8 jılğa sottaldı.

Aqpan ayında BAQ betterinde Ihtier Abdullaev densaulığına baylanıstı qızmetinen ketti degen aqparat tarağan. Keyinnen onıñ ornına bwrınğı qorğanıs mirnistri Abdusalom Azizov tağayındalğan.

"The Qazaq Times"