"Otandastar qorınıñ" talqı jinalısı. Foto: "Otandastar qorı" KEAQ.

Şeteldegi qandastarğa «Qazaq kartası» degen qwjat berilui mümkin. Keşe elordada ötken «Otandastar qorı» KEAQ-nıñ talqı otırısında osınday wsınıstar jasaldı. «Otandastar qorı» atalğan qwjattı şeteldegi Qazaqstan elşilikteri arqılı berudi wsınıp otır.

«Qazaq kartası» jäne özge de qandastar mäselesine qatıstı birqatar zañ jobaları, keşe el astanasında «Otandastar qorı» KEAQ janınan twraqtı jwmıs isteytin keñesşi alqa retinde qwrılğan Qoğamdıq Komissiyanıñ otırısında talqılanğan.

«Otandastar qorı» baspasöz qızmetiniñ habarlauınşa, talqı otırısında elge oralğan qandastardıñ qwjattarın retteytin qazaqstandıq zañnama jüyesi jäne şeteldegi qazaqtardı memlekettik qoldau jönindegi zañ jobası talqığa salınğan. Sonday-aq, QR İİM Köşi-qon qızmetiniñ qwziretindegi qızmet körsetudi oñtaylandıru mäseleleri qarastırılğan.

Ayta keteyik, «Otandastar qorı» Aqparat jäne qoğamdıq damu ministrligimen birlese otırıp şeteldegi qazaqtardı qoldau jäne erikti qonıs audaru mäselelerin retteuge bağıttalğan zañ jobasın äzirleu üstinde.

“The Qazaq Times”