Bügin, 26 qırküyek küni Almatıdağı Respublika sarayında «Tomiris» fil'miniñ twsaukeseri ötip jatır. Twsaukeserden bwrın şığarmaşılıq toptıñ qatısuımen baspasöz jinalısı ötti. Rejisser Aqan Sataev pen tüsiru tobınıñ jetekşileri jäne bastı rölderdi somdağan aktrisaları baspasöz ökilderiniñ swraqtarına jauap berdi.

"Tomiris" fil'mniñ twsaukeser brifingi. 26 qırküyek, 2019 jıl. Almatı q. Foto: QT

Fil'mdi QR Mädeniet ministrliginiñ tapsırmasımen, «Qazaqfil'm» kinostudiyası jäne «Sataifilm» kompaniyası birlesip tüsirgen. Alğaşqı twsaukeseri keşe, 25 qırküyek küni elordada ötken bolatın. Bügin Almatıdağı körermenderge wsınılmaq. Fil'mniñ scenariy avtorları – fil'm ideyasın wsınuşı Äliya Nazarbaeva men Timur Jaqsılıqov. Qoyuşı rejisser Aqan Sataev scenariyde Gerodottıñ tarihi derekteri negiz etilgenin, tilşiler swrağan T.Äsemqwlov nwsqasımen tanıspağanın  ayttı.

"Tomiris" fil'mniñ twsaukeser brifingi. 26 qırküyek, 2019 jıl. Almatı q. Foto: QT

Baspasöz jiınında jurnalister 27 qırküyek küni josparlanğan 38 senastıñ barlığı orıs tilinde berilu sebebin swrap, memlekettik tilde ügitnasihattıñ azdığın alğa tarttı. Rejisserdiñ sözinşe bwl "116ğa tarta wltwlıstardıñ jayın eskerip oylastırılğan ortaq şeşim". Al, "Qazaqfil'm" studiyasınıñ ökili "ötken jolı "Jau jürek mıñ bala" kartinasınıñ körsetiliminde de osınday mäsele köterilip, BAQ qozğau salıp qazaqşa berilgen bolatın" dep, jauapkerşilikti til janaşırları men jurnalisterge artqanday meñzep söyledi. "Rasında da, qazaq halqınıñ tarihı nelikten jeke menşik kinoteatr ieleriniñ közqarası negizinde memlekettik tilde körsetilmeui kerek? Mwnday jağday tek bizdiñ elde ğana". Osılayşa şamdanğan keybir azamattardıñ uäji köp swraqtıñ biri bolıp qalıñ sözge siñip ketti.

"Tomiris" fil'mniñ bas rejisseri Qan Sataev. 26 qırküyek, 2019 jıl. Almatı q. Foto: QT

"Tomiris" fil'mniñ twsaukeser brifingi. 26 qırküyek, 2019 jıl. Almatı q. Foto: QT

"Tomiris" fil'mniñ baspasöz brifingi. 26 qırküyek, 2019 jıl. Almatı q. Foto: QT

"Tomiris" tarihi fil'miniñ posteri. 2019 jıl. Foto: sataifilm.kz

“The Qazaq Times”