Qıtay osı uaqıtqa deyin Qazaqstanğa qanşa investiciya qwydı?

Prezident Qasım-Jomart Toqaev Qıtayğa jasağan resmi is-saparı barısında  VI qazaq-qıtay iskerlik keñesine qatısıp, söz söyledi. Onda ol eki el arasındağı ekonomikalıq baylanıs, sauda-sattıq jäne investiciya jöninde ayttı. Toqaevtıñ sözinşe, Qıtay osı uaqıtqa deyin Qazaqstanğa 20 milliard dollar investiciya qwyğan.

«Qıtay Qazaqstannıñ iri sauda jäne ekonomikalıq äriptesteriniñ biri. Bwğan eki el arasında ülken qarqınmen ösip kele jatqan tauar aynalımı dälel. 2018 jılı tauar aynalımı 11,4 payızğa ösip, 12 milliard dollardı qwradı. Täuelsizdik alğan uaqıttan beri Qıtay Qazaqstanğa 20 milliard dollarğa juıq investiciya qwydı» - dedi Toqaev.

Bwdan bölek prezident Qazaqstan arqılı Qıtaydı Europamen baylanıstaratın 6 tas jol jäne 5 temir jol torabı bar ekendigin jäne osı jol arqılı kez kelgen jükti 15 künniñ işinde Batıs elderine aparuğa bolatındığın ayttı.

«Qazaqstan joğarı sapadağı biday öndiru salası boyınşa älemniñ üzdik 10 memleketiniñ qatarına kiredi. Bıltırğı jılı Qıtayğa biday eksportı 550 mıñ tonnanı qwradı. Biz bwnı 3,5 esege (2 mln tonnağa) arttıruğa dayınbız. Qazaqstan twzın älemdik narıqqa şığaru ülesi de artıp keledi. Biz Qıtayğa jılına 100 mıñ tonna as twsın eksporttauğa äzirmiz» - dep mälimdedi Qazaqstan prezidenti.

Ayta ketetin bir jayt, Qasım-Jomart Toqaevtıñ Qıtayğa saparı qarsañında Qazaqstanda Qıtay ekspansiyasına qarsı mitingiler ötip, halıq arasında antiqılaylıq köñil-küy küşeygen. Qırküyektiñ 2-i küni Jañaözen qalasında bastalğan qarsılıq akciyaları keyinnen Almatı, Şımkent, Aqtöbe, Nwr-Swltan qalalarında jalğasqan.

Qazaqstan prezidentiniñ Qıtayğa saparı 12-şi qırküyek küni ayaqtaladı.

"The Qazaq Times"