QR Bas prokurorınıñ orınbasarı Marat Ahmetjanov mälimdeme jasadı. FOto: aşıö derekköz

QR Bas prokuraturası auır qılmıstar üşin jazanı qataytu turalı zañ jobasın äzirledi. Jaña normalar turalı  Bas prokurordıñ orınbasarı Marat Ahmetjanov ayttı.  

«Qılmıstıq kodeks pen Qılmıstıq-processualdıq kodeksti jetildire tüsu maqsatında jaña zañ jobası dayındaldı. Bwl jobağa qasaqana jasalğan auır qılmıstar men asa auır qılmıstıñ jekelegen türlerine qoldanılatın jazalardı qatañdatu boyınşa özgertuler engizildi. Jınıstıq tiispeuşilikke qarsı, zorlau jäne seksualdıq sipattağı küş körsetu qılmısı üşin jauapkerşilik küşeytiledi. Tipti auırlatatın män-jaylar bolmağannıñ özinde mwnday qılmıstar auır qılmısqa jatqızıladı. Balalarğa qatıstı seksualdıq sipattağı qılmıstardıñ barlığına jaza qatañdatıladı. Qızmettik mindetin orındau barısında qılmıs jasau degen qosımşağa biliktilik sipatı engiziledi.  YAğni, onıñ jazası qatayadı. Kämelet jasına tolmağandarğa qatıstı seksualdıq sipattağı zorlıq-zombılıq üşin ömir boyına 20 jıldan joğarı merzimge bas bostandığınan ayıru jazası qoldanıladı», – delingen prokuratura ökiliniñ mälimdemesinde.

2018 jılı  Bilim jäne ğılım ministrligi «Balalarğa qatıstı zorlıq-zombılıq jäne qatıgezdik körsetudiñ aldın alu jönindegi 2019 –2021 jıldarğa arnalğan vedomstvoaralıq birlesken is-qimıl josparı» jobasın äzirlegen bolatın.  Soñğı kezderi BAQ men äleumettik jelilerde aşıq aytıla bastağan balalarğa zorlıq-zombılıq körsetu mäselesi turalı memleket basşısı Qasım-Jomart Toqaev qırküyektiñ 2-si küni jasağan Qazaqstan halqına joldauında qwzırlı organdarğa jazalau şaraların qatañdatudı tapsırğan edi.

"The Qazaq Times"