قر باس پروكۋراتۋراسى اۋىر قىلمىستار ءۇشىن جازانى قاتايتۋ تۋرالى زاڭ جوباسىن ازىرلەدى. جاڭا نورمالار تۋرالى باس پروكۋروردىڭ ورىنباسارى مارات احمەتجانوۆ ايتتى.
«قىلمىستىق كودەكس پەن قىلمىستىق-پروتسەسسۋالدىق كودەكستى جەتىلدىرە ءتۇسۋ ماقساتىندا جاڭا زاڭ جوباسى دايىندالدى. بۇل جوباعا قاساقانا جاسالعان اۋىر قىلمىستار مەن اسا اۋىر قىلمىستىڭ جەكەلەگەن تۇرلەرىنە قولدانىلاتىن جازالاردى قاتاڭداتۋ بويىنشا وزگەرتۋلەر ەنگىزىلدى. جىنىستىق تيىسپەۋشىلىككە قارسى، زورلاۋ جانە سەكسۋالدىق سيپاتتاعى كۇش كورسەتۋ قىلمىسى ءۇشىن جاۋاپكەرشىلىك كۇشەيتىلەدى. ءتىپتى اۋىرلاتاتىن ءمان-جايلار بولماعاننىڭ وزىندە مۇنداي قىلمىستار اۋىر قىلمىسقا جاتقىزىلادى. بالالارعا قاتىستى سەكسۋالدىق سيپاتتاعى قىلمىستاردىڭ بارلىعىنا جازا قاتاڭداتىلادى. قىزمەتتىك مىندەتىن ورىنداۋ بارىسىندا قىلمىس جاساۋ دەگەن قوسىمشاعا بىلىكتىلىك سيپاتى ەنگىزىلەدى. ياعني، ونىڭ جازاسى قاتايادى. كامەلەت جاسىنا تولماعاندارعا قاتىستى سەكسۋالدىق سيپاتتاعى زورلىق-زومبىلىق ءۇشىن ءومىر بويىنا 20 جىلدان جوعارى مەرزىمگە باس بوستاندىعىنان ايىرۋ جازاسى قولدانىلادى»، – دەلىنگەن پروكۋراتۋرا وكىلىنىڭ مالىمدەمەسىندە.
2018 جىلى بىلىم جانە عىلىم مينيسترلىگى «بالالارعا قاتىستى زورلىق-زومبىلىق جانە قاتىگەزدىك كورسەتۋدىڭ الدىن الۋ جونىندەگى 2019 –2021 جىلدارعا ارنالعان ۆەدومستۆوارالىق بىرلەسكەن ءىس-قيمىل جوسپارى» جوباسىن ازىرلەگەن بولاتىن. سوڭعى كەزدەرى باق مەن الەۋمەتتىك جەلىلەردە اشىق ايتىلا باستاعان بالالارعا زورلىق-زومبىلىق كورسەتۋ ماسەلەسى تۋرالى مەملەكەت باسشىسى قاسىم-جومارت توقاەۆ قىركۇيەكتىڭ 2-ءسى كۇنى جاساعان قازاقستان حالقىنا جولداۋىندا قۇزىرلى ورگاندارعا جازالاۋ شارالارىن قاتاڭداتۋدى تاپسىرعان ەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى