Vice-prem'er Qıtay zauıttarına baylanıstı tüsinikteme berdi.

Prem'er-ministr orınbasarı Jeñis Qasımbek Nwr-Swltan qalasında ötken baspasöz mäslihatında Qıtaymen biresken 55 jobağa qatıstı tüsinikteme berdi. Onıñ sözinşe, qazirgi uaqıtta 55 jobanıñ 15-i iske qosılıp, 20 joba ayaqtaluğa jaqın. İske qosılğan jobalardıñ basım köpşiliginde qazaqstandıqtar jwmıs isteude.

«55 jobanıñ işinde 3,9 milliard dollarğa bağalanğan 15 joba metallurgiya, himiya, mwnay-gaz, auıl şaruaşılığı, kölik, logistika salaları boyınşa iske qosıldı. Bwl jobalar ayasında 4 mıñğa juıq jaña jwmıs ornı aşıldı. Qızmetke twrğandardıñ 95 payızı qazaqstandıqtar» - dedi Qasımbek.

Vice-prem'erdiñ aytuınşa, el biligi osı jobalardıñ ayasında 20 mıñğa deyin jaña jwmıs ornın aşudı josparlap otır jäne Qazaqstan aumağına basqa bir elden eşqanday eski zauıttar äuelinbeydi.

Qazaqstan aumağında Qıtay investiciyasına 55 käsiporın saluğa baylanıstı qarsılıq akciyası qırküyek ayınıñ 2-i küni Jañaözen qalasında bastalğan. Keyinnen qarsılıq şaraları Almatı, Nwr-Swltan, Aqtöbe, Şımkent qalalarında jalğastı.

"The Qazaq Times"