Körneki suret. https://tengrinews.kz

Ukrainada jañadan saylanğan ükimet memlekettik qızmetkerler men vedomstvolar sanın qısqartıp, tört ministrlik jwmısın toqtattı. Memleket qwrılımındağı auıs-tüyis «Eski sayasatkerler eski jüyeni tañdaydı. Sebebi, bwl özderiniñ sayasi ömirlerin wzartuğa mümkindik beredi», – dep ukrainalıqtarğa sayasattağı jañaşıldıqtı qoldauğa ündeu jasağan Vladimir Zelenskiydiñ bastamasımen jüzege asıp otır. Bir qızığı, Ukraina ükimetiniñ alğaşqı jwmısı eski kadrlardan arılu men jas buındarğa mümkindik beruden bastalğan. 

«Ukrainform» mälimetinşe, «auılşaruaşılıq sayasat ministrligi» ekonomikalıq damu, al ekologiya ministrligi energetika ministrligine qosılğan. Sonımen qatar, jañadan qoğamdıq damu ministrliginiñ jwmısı tanıstırıldı. Vedomsvto sanın qısqartqan jaña ükimet aldağı aptada 450 deputattı 300-ge azaytatu turalı şeşimge keldi. Olardıñ basım böligi «qarttıq jasına» jetken şeneunikter.

Negizinen Ukrainada ükimet auısqalı beri, memlekettik qwrılımda aytarlıqtay jañalıqtar orın ala bastadı. Qızmetine kiriskeli, biliktegi jası ülken, sanı sapasınan artıq şendilerge qatıstı mälimdeme jasağan el prezidenti Vladimir Zelenskiy parlament deputtarınıñ sanın qısqartu mäselesin kötergen bolatın. Arnayı otırıs kezinde ol qauipsizdik qızmeti basşısı, qorğanıs ministri jäne bas prokuror otstavkağa ketui tiis degen. Sonımen qatar, prezident ükimetti twtas otstavkağa ketuge şaqırıp, Joğarğı radanı taratatının mälimdegen.

Ötken aptada eks-prem'er Vladimir Groysmannıñ ministrler kabineti otstavkağa ketip, ornına qazirgi basşınıñ «Halıq keñesşisi» frakciyası wsınğan Aleksey Gonçaruk saylanğan bolatın. Mwnımen qatar, jas ministrler sanı bwrınğıdan arttı. Mälimetter boyınşa, Ukraina kabineti ministrligindegi ortaşa jas – 35. Joğarı Radadağı eñ jas deputattıñ jası 23-te. Tayauda ğana 28 jastağı Mihail Fedorov cifrlıq transformaciya vice-ministri lauazımına tağayındaldı.

Ukrainadağı sauattı jastarğa qoldau boyınşa maqsattı türde qolğa alınğan jüyemen tanısa otırıp, özimizdiñ Qazaqstandağı bilik jüyesi men eski kadrlar oyğa oraladı. Qazirgi uaqıtta Parlament Senatınıñ bir özinde 60-tan 79 jasqa deyingi 20 şaqtı alpıstan asqan senator-deputat bar. Al Parlament Mäjilis palatasında 61-den 82 jas aralığındağı 32 deputat bar. Prezident Qasım-Jomart Toqaev 66 jasta bolsa, Elbası Nwrswltan Nazarbaevtıñ jası – 79-da. Osı cifrlardı közi şalğan qauım arasında «Qazaqstan qartstanğa aynalıp bara ma?» degen saual payda bolğan...

Ayta keter jayt, 2 qırküyekte alğaşqı Joldauın jasağan memleket basşısı Q.Toqaev 2020 jılı memlekettik qızmetkerler sanı qısqartılatına toqtalıp ötti. YAğni Joldauda 2024 jılı memlekettik qızmetkerler jäne wlttıq kompaniya qızmetkerleriniñ sanı 25%-ğa qısqartılatını mälim boldı. Prezidenttiñ aytuınşa, jergilikti bilik ökilderi köp rette halıq bazınasına salğırttıq tanıtıp, äleumetti mäselelerdi şeşuge tırıspaydı. Sol sebepti «sapasınan sanı köp qızmetkerler» qısqartuğa wşıramaq. Bwl da bir nätijeli qadam bolar dep seneyik.

"The Qazaq Times"