8 tamız AQŞ-tıñ 200-den asa qala merleri Senatorlar özderiniñ jazğı demalısın üzip, şwğıl türde «Atıs qaruların satuğa baqılaudı küşeytu turalı» zañ jobasın qabıldauın talap etti.

«Amerika üni» jañalıqtar qızmetiniñ dereginşe, mwnday wsınıs El'-Paso (Tehas ştatı) jäne Deyton (Ogayo ştatı) qalalarındağı 31 adam ölimimen orın alğan qandı oqiğadan keyin birneşe kün ötken soñ jasaldı.

AQŞ-tıq 214 qala merleriniñ konferenciyası Senattağı  onıñ demokrattar men  respublikaşılarğa qaru-jaraq satılımına qatıstı twtınuşığa qoyatın şarttardı küşeytuin swrauda.

Aqpanda wsınılğan jaña zañ jobası atıs qaruın satıp aluşılardıñ jeke derekterin tekseru merzimin 3 künnen 10 künge deyin arttırudı qajet etedi. Mwndağı bastı tetik jedel tekseru barısında äleuetti satıp aluşınıñ jeke özine baylanıstı saualdar boluı mümkin, sol arqılı tolıq swrau salınıp, rwqsat beriletin boladı.

Bwğan deyin demokrat-senator Çak Şumer Senatqa jaña şekteu şaraların maqwldauğa şaqırğan edi, biraq respublikaşıl-senator Mitç Makkonnell osı taqırıpqa dauıs berude qalıs qalatın aytqan bolatın.

«2019 jıldıñ İ jartısınıñ özinde 250-den astam jappay atu oqiğaları boldı», – dep körsetilgen  Merlerdiñ Zañ şığaruşılarğa jazğan wjımdıq hatında. Olar öz sözinde Meksikamen şekaralas El'-Paso jäne Ortalıq-batıstağı Deyton qalalarındağı «qayğılı oqiğalar bizdiñ elimizdiñ aldağı uaqıtta federaldıq ükimet atıs qaruına qatıstı qajetti is-äreketterdi qolğa aluın küte almaytındığı jaylı eskertui» dep tolıqtırdı.

AQŞ prezidenti Donal'd Tramp särsenbide Deyton men El'-Pasoda bolğan köpşilikke jappay oq jaudıru oqiğasına qatıstı «derekterdi tekseruge ülken qajettilik» bar ekenin mälimdegen. Biraq ol mwnday pikirdi bir jıl bwrın, Florida mektebinde 17 oquşı men mwğalim atılğannan keyin de aytqan bolatın. Alayda Tramp köp wzamay eldiñ bastı qaru-jaraq lobbii Wlttıq atqıştar qauımdastığınıñ (NRA)  aldında öz poziciyasınan şegingen edi.

The Washington Post gazeti habarlauınşa, osı aptada NRA öziniñ Trampqa qarsı Ükimettiñ qarauına joldanğan ömirbayandıq derekter turalı jaña tekseruler köpşiliktiñ qoldauın ie bola almaytının mälimdegen.

Eske sala ketsek, ötken aptanıñ jeksenbisi, 4 tamızda, 13 sağat işinde orın alğan El'-Paso men Deytondağı oqiğalar – Associated Press aqparat agenttigi, USA Today gazeti jäne Soltüstik-Şığıs universiteti jürgizetin derekter bazasına säykes, osı jıldıñ basınan bergi 21-şi jäne 22-şi jappay kisi öltiru faktisi. Jalpı jappay kisi öltiru oqiğası retinde şabuıldauşını qospağanda 4 adamnıñ qaza tabuımen esepke alınadı. Basqa derek közderine nazar audarsaq, jıl basınan beri tört kisiden az jaralanğan nemese köz jwmğan oqiğalar sanı 250-den asadı. Osıdan 10 kün bwrın jeksenbi küni qarulı adam Kaliforniya ştatı Gilrodağı sarımsaq festivalinde üş adamdı atıp tastağan edi.

“The Qazaq Times”