ەل-پاسو قالاسىنىڭ Walmart دۇكەنى ماڭىنداعى كوپشىلىككە جاپپاي وق جاۋدىرۋ وقيعاسىنان كەينگى ازا تۇتۋ شاراسى. تەحاس شتاتى. 5 تامىز 2019 جىل. فوتو: Reuters اگەنتتىگى

8 تامىز اقش-تىڭ 200-دەن اسا قالا مەرلەرى سەناتورلار وزدەرىنىڭ جازعى دەمالىسىن ءۇزىپ، شۇعىل تۇردە «اتىس قارۋلارىن ساتۋعا باقىلاۋدى كۇشەيتۋ تۋرالى» زاڭ جوباسىن قابىلداۋىن تالاپ ەتتى.

«امەريكا ءۇنى» جاڭالىقتار قىزمەتىنىڭ دەرەگىنشە، مۇنداي ۇسىنىس ەل-پاسو (تەحاس شتاتى) جانە دەيتون (وگايو شتاتى) قالالارىنداعى 31 ادام ولىمىمەن ورىن العان قاندى وقيعادان كەيىن بىرنەشە كۇن وتكەن سوڭ جاسالدى.

اقش-تىق 214 قالا مەرلەرىنىڭ كونفەرەنتسياسى سەناتتاعى  ونىڭ دەموكراتتار مەن  رەسپۋبليكاشىلارعا قارۋ-جاراق ساتىلىمىنا قاتىستى تۇتىنۋشىعا قوياتىن شارتتاردى كۇشەيتۋىن سۇراۋدا.

اقپاندا ۇسىنىلعان جاڭا زاڭ جوباسى اتىس قارۋىن ساتىپ الۋشىلاردىڭ جەكە دەرەكتەرىن تەكسەرۋ مەرزىمىن 3 كۇننەن 10 كۇنگە دەيىن ارتتىرۋدى قاجەت ەتەدى. مۇنداعى باستى تەتىك جەدەل تەكسەرۋ بارىسىندا الەۋەتتى ساتىپ الۋشىنىڭ جەكە وزىنە بايلانىستى ساۋالدار بولۋى مۇمكىن، سول ارقىلى تولىق سۇراۋ سالىنىپ، رۇقسات بەرىلەتىن بولادى.

بۇعان دەيىن دەموكرات-سەناتور چاك شۋمەر سەناتقا جاڭا شەكتەۋ شارالارىن ماقۇلداۋعا شاقىرعان ەدى، بىراق رەسپۋبليكاشىل-سەناتور ميتچ ماككوننەلل وسى تاقىرىپقا داۋىس بەرۋدە قالىس قالاتىن ايتقان بولاتىن.

«2019 جىلدىڭ ءى جارتىسىنىڭ وزىندە 250-دەن استام جاپپاي اتۋ وقيعالارى بولدى»، – دەپ كورسەتىلگەن  مەرلەردىڭ زاڭ شىعارۋشىلارعا جازعان ۇجىمدىق حاتىندا. ولار ءوز سوزىندە مەكسيكامەن شەكارالاس ەل-پاسو جانە ورتالىق-باتىستاعى دەيتون قالالارىنداعى «قايعىلى وقيعالار ءبىزدىڭ ەلىمىزدىڭ الداعى ۋاقىتتا فەدەرالدىق ۇكىمەت اتىس قارۋىنا قاتىستى قاجەتتى ءىس-ارەكەتتەردى قولعا الۋىن كۇتە المايتىندىعى جايلى ەسكەرتۋى» دەپ تولىقتىردى.

اقش پرەزيدەنتى دونالد ترامپ سارسەنبىدە دەيتون مەن ەل-پاسودا بولعان كوپشىلىككە جاپپاي وق جاۋدىرۋ وقيعاسىنا قاتىستى «دەرەكتەردى تەكسەرۋگە ۇلكەن قاجەتتىلىك» بار ەكەنىن مالىمدەگەن. بىراق ول مۇنداي پىكىردى ءبىر جىل بۇرىن، فلوريدا مەكتەبىندە 17 وقۋشى مەن مۇعالىم اتىلعاننان كەيىن دە ايتقان بولاتىن. الايدا ترامپ كوپ ۇزاماي ەلدىڭ باستى قارۋ-جاراق ءلوببيى ۇلتتىق اتقىشتار قاۋىمداستىعىنىڭ (NRA)  الدىندا ءوز پوزيتسياسىنان شەگىنگەن ەدى.

The Washington Post گازەتى حابارلاۋىنشا، وسى اپتادا NRA ءوزىنىڭ ترامپقا قارسى ۇكىمەتتىڭ قاراۋىنا جولدانعان ومىرباياندىق دەرەكتەر تۋرالى جاڭا تەكسەرۋلەر كوپشىلىكتىڭ قولداۋىن يە بولا المايتىنىن مالىمدەگەن.

ەسكە سالا كەتسەك، وتكەن اپتانىڭ جەكسەنبىسى، 4 تامىزدا، 13 ساعات ىشىندە ورىن العان ەل-پاسو مەن دەيتونداعى وقيعالار – Associated Press اقپارات اگەنتتىگى، USA Today گازەتى جانە سولتۇستىك-شىعىس ۋنيۆەرسيتەتى جۇرگىزەتىن دەرەكتەر بازاسىنا سايكەس، وسى جىلدىڭ باسىنان بەرگى 21-ءشى جانە 22-ءشى جاپپاي كىسى ءولتىرۋ فاكتىسى. جالپى جاپپاي كىسى ءولتىرۋ وقيعاسى رەتىندە شابۋىلداۋشىنى قوسپاعاندا 4 ادامنىڭ قازا تابۋىمەن ەسەپكە الىنادى. باسقا دەرەك كوزدەرىنە نازار اۋدارساق، جىل باسىنان بەرى ءتورت كىسىدەن از جارالانعان نەمەسە كوز جۇمعان وقيعالار سانى 250-دەن اسادى. وسىدان 10 كۇن بۇرىن جەكسەنبى كۇنى قارۋلى ادام كاليفورنيا شتاتى گيلروداعى سارىمساق فەستيۆالىندە ءۇش ادامدى اتىپ تاستاعان ەدى.

“The Qazaq Times”