Ierusalimdegi äl-Aqsa meşiti. Foto: Blogs.FT

Izrail' parlamenti (Knesset) el aumağında dauıs zoraytqışpen azan şaqıruğa tiım salu turalı qarardı bekitip, bıltır jıl soñında mäjiliske wsınğan. Özge partiyalardıñ qarsılığı arqılı bwl zañ jobasın bekitu men dauısqa salu keyinge qaldırılğan. Alayda, jaqında Knessette bwl şeşim aqırı qabıldanıp, şuıl tudıradı, tınıştıqtı bwzadı degen jeleulermen Izrail' aumağında dauıs zoraytqışpen azan şaqıruğa tiım saldı. Türkiya «Anatolı» aqparattıq agenttiginiñ habarına qarağanda, Iordaniya ükimeti bwl eki el arasındağı beybitşilik kelisimge qayşı dep ayıptağan.

Iordaniya ükimetiniñ resmi mälimdemeşisi Mwhammed el-Mumani jasağan mälimdemede, Izrail' parlamenti qabıldağan şeşim, Izrail' men Iordaniya jäne öñirdegi özgede mwsılman elderimen jasasqan «Beybitşilik kelisimine» qayşı dep ayıptaldı. Iordaniya-Izrail' arasında 1994 jıldıñ 26 qazanında jasasqan kelisimniñ 7-şi bap, 2-şi tarmağında: «Izrail' Ierusalimdegi Islamnıñ kieli qwndılıqtarın qorğau ayasındağı Iordaniyanıñ arnayı rölin qwrmetteu kerek», – dep belgilengen. Bwl atalğan kelisimde Ierusalimdegi äl-Aksa meşiti, sonday-aq, özge de islamdıq qwndılıqtardı, kieli zattardı, tarihi mwralardı qorğau, Iordaniya aumağındağı Izrail' qorları men mwraların büldirmeu turalı kelisim anıq jazılğan.

Izrail'diñ Palestinağa şapqınşılığı, älemniñ közin kölegeyleu arqılı da, aşıq ta jürgizilgeni anıq. Külli Islam elderiniñ qarsılığın tudırğan şeşim, endigi jerde tartıs tüyinderiniñ birine aynalatını dausız. Ierusalim qalasınıñ tarihi dauı jaña ğasırda jaña beynede bas köterip, Orta Şığıstıñ büligine sebep bolıp otır.

“The Qazaq Times”