Foto: https://turantimes.kz

Qazaqstanda jalpı halıq sanı 236,4 mıñ adamğa (1,3%) ösken. Al elden ketkender sanı 19,8%-ğa artıp otır. Bwl turalı Wlttıq ekonomika ministrliginiñ Statistika komiteti habarladı.

Halıq sanı bıltırğımen salıstırğanda 2019 jılğı 1 mausımda 18 mln 489,7 mıñ adamğa jetti. Biıl qañtar jäne mamır aralığında respublikada 1 jasqa deyingi 1459 säbi şetinegen (bıltırğı körsetkiş 1366). Al näreste kezinde şetineu koefficienti är 1000 närestege 9,04-ten tura kelgen. Jüktilik kezindegi auru-sırqau saldarınan biılğı bes ayda 772 näreste köz jwmğan.

Däl osı ayda Qazaqstanğa keluşilerdiñ sanı 10,8%-ğa qısqarıp, ketkender sanı 19,8%-ğa ösken. El işindegi köşip-qonuşılar sanı 19% ösken. Öñiraralıq köşi-qonnıñ oñ sal'dosı Mañğıstau oblısında (515 adam) jäne Şımkent (4 144), Nwr-Swltan (10 936) jäne Almatı (11 540) qalalarında bayqalıp otır. Esepti kezeñde qala twrğındarınıñ jalpı sanı 10 mln 767,6 mıñ adamğa jetken. Qalalıqtardıñ jalpı payızı 58,2%. Auıldarda jalpı 7 mln 722,1 mıñ adam. Bwl – respublika halqınıñ 41,8%-ı.

"The Qazaq Times"