İskerlik jurnalistika mektebi

Bügin Almatıda media salasındağı biregey jobalardıñ biri - «İskerlik jurnalistika mektebi» ayaqtalıp, tülekterin marapattau şarası ötti. Biıl mektepti 32 jas jurnalist ayaqtap, 8-i 7kun.kzaqparattıq agenttigindegi jwmıs istey bastadı.

Qarjı, ekonomika, biznes taqırıptarında jazatın jas jurnalister ortasın qalıpnastırudı maqsat twtatın joba 2016 jılı 3 ay boyı ötkizildi. Osı uaqıt aralığında mektep studentterine  iri bankterdiñ, qarjı wyımdarınıñ basşıları jäne täjiribeli jurnalisteri däris ötkizdi. Olardıñ qatarında «Qazaqstan Halıq banki» AQ, Almatı qalası boyınşa Memlekettik kirister departamenti, Birinşi kredittik byuro, Qazaqstan qarjıgerler qauımdastığı, Islamdıq qarjı damıtu qauımdastığın, «Qazaqstannıñ Twrğın üy qwrılıs jinaq banki», Statistika komiteti, «Qazaqstan qor birjası», «Damu» käsipkerlikti damıtu» AQ ökilderi men tanımal jurnalister, käsipkerler bar.

Mektep tıñdauşıları7kun.kz isker jañalıqtar saytınan täjiribeden ötip, materialdarın jaryaladı.

Joba jetekşisi Erbol Azanbektiñ aytuınşa, mektep tülekterimen jwmıs arı qaray jalğasadı. 8 student 7kun.kzsaytınıñ ştatına jwmısqa alınsa, özgeleri türli jobalarğa qatısuına qoldau körsetiledi. «Qazirgi kezde iskerlik jurnalistikanıñ aqsap jatqanı ras. «İskerik jurnalistika mektebiniñ» tülekteri osıoqılıqtıñ ornın toltırıp, qazaq tilinde qarjı, ekonomika jäne biznes taqırıbındağı kontenttiñ köbeyuine ıqpalın tigizedi dep oylaymız», - dedi ol.

Qarjılıq sauattılıqtı arttırumen aynalısatın wyım qwrıladı

 Elimizde qarjılıq sauattılığın arttırumen aynalısatın qoğamdıq qor qwrıladı. Bwl turalı bügin Almatıda ötken «İskerlik jurnalistika mektebiniñ» tülekterin marapattau räsiminde «Qazaq Media Group» kompaniyasınıñ direktorı Erbol Azanbek ayttı.

«Qor iskerlik jurnalistikanı damıtumen qatar, qazaq auditoriyasınıñ qarjılıq sauattın arttıruğa män beredi. Biıl qazaq tilinde, tüsinikti tilmen jazılğan «Bank klientiniñ anıqtamalığı», «Otbasılıq byudjet» attı kitapşalardı jarıqqa şığarmaqpız. Adamdar bankke barğanda, kredit alarda, depozit aşarda neni bilui kerek, olar turalı aqparattı qaydan ala-aladı, türli problemalar tuındağanda ne isteui kerek?! Kitapşalar osı bağıta aqparat beredi. Sonımen qatar qarjı, ekonomika, biznes taqırıbında jazatın jas jurnalisterdi dayındaudı jalğastıramız», - dedi ol.

“The Qazaq Times”