«ىسكەرلىك جۋرناليستيكا مەكتەبى» جوباسى اياقتالدى

بۇگىن الماتىدا مەديا سالاسىنداعى بىرەگەي جوبالاردىڭ ءبىرى - «ىسكەرلىك جۋرناليستيكا مەكتەبى» اياقتالىپ، تۇلەكتەرىن ماراپاتتاۋ شاراسى ءوتتى. بيىل مەكتەپتى 32 جاس جۋرناليست اياقتاپ، 8-ءى 7kun.kzاقپاراتتىق اگەنتتىگىندەگى جۇمىس ىستەي باستادى.

قارجى، ەكونوميكا، بيزنەس تاقىرىپتارىندا جازاتىن جاس جۋرناليستەر ورتاسىن قالىپnاستىرۋدى ماقسات تۇتاتىن جوبا 2016 جىلى 3 اي بويى وتكىزىلدى. وسى ۋاقىت ارالىعىندا مەكتەپ ستۋدەنتتەرىنە  ءىرى بانكتەردىڭ، قارجى ۇيىمدارىنىڭ باسشىلارى جانە تاجىريبەلى جۋرناليستەرى ءدارىس وتكىزدى. ولاردىڭ قاتارىندا «قازاقستان حالىق بانكى» اق، الماتى قالاسى بويىنشا مەملەكەتتىك كىرىستەر دەپارتامەنتى، ءبىرىنشى كرەديتتىك بيۋرو، قازاقستان قارجىگەرلەر قاۋىمداستىعى، يسلامدىق قارجى دامىتۋ قاۋىمداستىعىن، «قازاقستاننىڭ تۇرعىن ءۇي قۇرىلىس جيناق بانكى»، ستاتيستيكا كوميتەتى، «قازاقستان قور بيرجاسى»، «دامۋ» كاسىپكەرلىكتى دامىتۋ» اق وكىلدەرى مەن تانىمال جۋرناليستەر، كاسىپكەرلەر بار.

مەكتەپ تىڭداۋشىلارى7kun.kz ىسكەر جاڭالىقتار سايتىنان تاجىريبەدەن ءوتىپ، ماتەريالدارىن جاريالادى.

جوبا جەتەكشىسى ەربول ازانبەكتىڭ ايتۋىنشا، مەكتەپ تۇلەكتەرىمەن جۇمىس ارى قاراي جالعاسادى. 8 ستۋدەنت 7kun.kzسايتىنىڭ شتاتىنا جۇمىسقا الىنسا، وزگەلەرى ءتۇرلى جوبالارعا قاتىسۋىنا قولداۋ كورسەتىلەدى. «قازىرگى كەزدە ىسكەرلىك جۋرناليستيكانىڭ اقساپ جاتقانى راس. «ىسكەرىك جۋرناليستيكا مەكتەبىنىڭ» تۇلەكتەرى وسىوقىلىقتىڭ ورنىن تولتىرىپ، قازاق تىلىندە قارجى، ەكونوميكا جانە بيزنەس تاقىرىبىنداعى كونتەنتتىڭ كوبەيۋىنە ىقپالىن تيگىزەدى دەپ ويلايمىز»، - دەدى ول.

قارجىلىق ساۋاتتىلىقتى ارتتىرۋمەن اينالىساتىن ۇيىم قۇرىلادى

 ەلىمىزدە قارجىلىق ساۋاتتىلىعىن ارتتىرۋمەن اينالىساتىن قوعامدىق قور قۇرىلادى. بۇل تۋرالى بۇگىن الماتىدا وتكەن «ىسكەرلىك جۋرناليستيكا مەكتەبىنىڭ» تۇلەكتەرىن ماراپاتتاۋ راسىمىندە «Qazaq Media Group» كومپانياسىنىڭ ديرەكتورى ەربول ازانبەك ايتتى.

«قور ىسكەرلىك جۋرناليستيكانى دامىتۋمەن قاتار، قازاق اۋديتورياسىنىڭ قارجىلىق ساۋاتتىن ارتتىرۋعا ءمان بەرەدى. بيىل قازاق تىلىندە، تۇسىنىكتى تىلمەن جازىلعان «بانك كليەنتىنىڭ انىقتامالىعى»، «وتباسىلىق بيۋدجەت» اتتى كىتاپشالاردى جارىققا شىعارماقپىز. ادامدار بانككە بارعاندا، كرەديت الاردا، دەپوزيت اشاردا نەنى ءبىلۋى كەرەك، ولار تۋرالى اقپاراتتى قايدان الا-الادى، ءتۇرلى پروبلەمالار تۋىنداعاندا نە ىستەۋى كەرەك؟! كىتاپشالار وسى باعىتا اقپارات بەرەدى. سونىمەن قاتار قارجى، ەكونوميكا، بيزنەس تاقىرىبىندا جازاتىن جاس جۋرناليستەردى دايىنداۋدى جالعاستىرامىز»، - دەدى ول.

“The Qazaq Times”