«Jaña Qazaqstan» forumı taradı

Zañdı twlğa bolmasa da «Jaña Qazaqstan» forumı äu-bastan barlıq közi aşıq, kökiregi oyau azamattar men wyımdar üşin aşıq ündesu alañı bolıp tabıladı. El jäne onıñ bolaşağı üşin jauapkerşilikti köteruge, onı sayasi jäne ekonomikalıq dağdarıstardan alıp şığuğa dayın küşterdiñ Qazaqstanda bar ekenin körsetu - bizdiñ aldımızda twrğan öte mañızdı maqsat. Ötken jıldıñ säuir ayında Bryussel'de Evroparlament deputattarımen bolğan kezdesulerde osı twrğıda mälimdeme jasalğan edi.

Sol kezde qızmettesterimizdiñ biri Başır Jañaltay Qıtaydağı Şıñjan etnikalıq qazaqtarına qarsı qudalau men repressiyalar taqırıbın Evroparlamenttiñ minberine şığıp kötergen edi. 2018 jılğı mausımda Vaşingtonğa sapar barısında Forum qatısuşıları Aşarşılıq mäselesin AQŞ Kongresinde alğaş ret köterdi. Memlekettik departament ökilderimen kezdesken kezde olarğa «Magnitskiy tizimi» birinşi ret berildi. Osı tizim Jañaözen mwnayşıların atuğa jauaptı joğarı lauzımdı adamdardan twradı. Forum boyınşa şet elderde twratın qızmettesterimiz şeneunikter Qazaqstannan jımqırıp, sırtqa şığarğan aqşa qwraldarın izdestiruge belsendi türde at salısuda. Ärine osınday Forumnıñ qwrıluına rwqsat beruge Aqordanıñ narazı ekeni aytpasa da tüsinikti.

Forum közdegen köp mindetterdiñ biri - ol prezidenttik jäne parlamenttik saylaularğa qatısuğa mümkindik beretin jalpıwlttıq partiya nemese qimıl wyımdastıru boldı. Ol üşin ötken jıldıñ qırküyek ayında Qazaqstan öñirleriniñ jartısına juığı Forumnıñ äzirlegen Sayasi bağdarlamasımen tanıstı. Sonımen qatar, DAT gäzeti arqılı eleuli ağartu jwmısı jürgizildi. You-tube arnasında "Jaña Qazaqstan jauap beredi" aydarı arqılı qoğamnıñ mañızdı mäselelerine arnalğan köptegen taldau bağdarlamaları jariyalandı.

Qwqıqtıq tirkeui joq Forum prezidenttikke öz atınan kandidat wsınuğa mümkindigi bolmadı. Degenmen wyımdardıñ biri wsınıp, nemese Forumnıñ kez kelgen qatısuşısın alğa tartqan jağdayda, oğan qoldau körsetu jöninde uağdalastıq boldı. Eki kandidat Aqiqat JSDP partiyasınan Ermwrat Bapi  jäne «Wlt Tağdırı» RQB-inen Ämirjan Qosanov alğa tartıldı. Keyinirek Aqiqat JSDP jalpı jinalısın ötkizip, osı saylauğa boykot jariyalau şeşimin qabıldadı.

Ötken prezidenttik saylau jäne azamattıq qoğam kandidatı Ämirjan Qosanovtıñ oğan qatısuı qoğamnıñ sayasatqa degen qızığuşılığın aytırlıqtay köterip, jwrttıñ azamattıq belsendiligin oyattı.

San qilı, san qırlı adam saylauğa ügitşi jäne baqılauşı retinde qatıstı. Biz biliktiñ bwrın-soñdı bolmağan şınayı reytingin alğaş ret özimiz ölşep, Ortalıq saylau komissiyasınıñ resmi dereginen onıñ aytarlıqtay tömen ekenine köz jetkizdik. Ökinişke qaray, saylau ekinşi kezekpen jalğasadı dep bayqauşılar senimidilikpen boljasa da, jappay fal'sifikaciya orın alıp, halıqtıñ qolındağı jeñis tağı da jımqırıldı. Bizdiñ kandidat ta küdikke tolı ekzit-poldıñ körsetkişin tez arada qabıldap, saylau boyınşa bäsekelesin artıq asığıstıqpen qwttıqtadı. Täuelsiz bayqauşılar bizge bar aqparattı bergennen keyin, osı saylaudıñ legitimdigi joqtıñ qası jäne halıqaralıq demokratiyalıq standarttarğa säykestigi joq dep biz mälimdeymiz. Biz qazirgi parlamentti taratuğa jäne Mäjiliske merzimnen bwrın saylaudı jariyalauğa şaqıramız. Jaña Ata Zañdı qabıldau jäne sayasi modernizaciya elimizdiñ kün tärtibinde twrğan bastı mäseleler.

Saylau jeñisin jımqırğan qazirgi basşılar bilikti beybit äri zañdı jolmen auıstıruğa is jüzinde mümkindik joq ekenin aşıq körsetti. Biz köşe mitingileri men küşpen qarsılasu arqılı qoğamdıq mäselelerdi şeşuge narazımız, biraq basqa amal joqtıñ qası.

Sizder kütken ümittiñ barlığı osı künge deyin orındalmadı dep biz qıljınamız, sol üşin de keşirim swraymız. Dey twrğanmen bizder atqarğan ister men qadamnıñ barlığı qwqıqtıq alañda boldı jäne elimizdiñ sayasi konfiguraciyasın özgertuge ümitimiz bar. Solay bolsa da, Aqordamen jasırın baylanıs bar degen sıltaumen bizdiñ atımızğa jalğan ayıptaular kelip tüsude. Biz üşin olardı joqqa şığaru qiınğa tüsedi. Tarih bärimizge öz bağasın berer, nätije qorıtındısın şığarar degen ümittemiz.

Qadam jasalmay, qate bolmas. Sol sebepti de biz Forumnıñ jwmısın öz erkimizben toqtatuğa bel budıq. Bir böligi sayasatqa belsendi aralasuın toqtatsa, endi bireuler Ermwrat Bapidiñ jäne partiyanıñ sayasi keñesiniñ kelisimi bolğan jağdayda Aqiqat JSDP partiyasına qosıluı äbden mümkin.

Aşarşılıq, Magnitskiy tizimi, jımqırılğan aktivter jäne basqa da mañızdı mäseleler boyınşa jwmıstı jalğastıru üşin Forum Evropada tirkeletin boladı. Al köptegen adamdar jazıp jatqanday jaña partiyanı tirkeu qazir de, aldağı jaqın uaqıtta da bizdiñ josparımızda joq.

Barşañızğa halıq biliginiñ qalıptasuın jäne Qazaqstanda şınayı demokratiyanıñ jeñisin tileymiz.

"The Qazaq Times"