Europadağı qauipsizdik jäne ıntımaqtastıq wyımınıñ (EQIW) Adam qwqıqtarı jäne demokratiyalıq instituttar byurosı (AQDIB) missiyasınıñ basşısı Qazaqstan prezidenttiginen ümitkerlermen kezdesuge nietti. Osılay dep Urşula Gacek sırtqı ister ministri Beybit Atamqwlovpen kezdesu barısında ayttı.

SİM baspasöz qızmetiniñ habarlauınşa, Urşula Gacek özi basqaratın missiya (qwramında 22 wzaqmerzimdi baqılauşı jäne 300 qısqamerzimdi baqılauşı bar) saylau procesin auqımdı qadağalauına mümkindik alatınına ümit bildirgen.

Sırtqı ister ministrligi Qazaqstanda 9 mausımda ötetin prezident saylauın baqılaytın halıqaralıq wyımdarmen belsendi jwmıs jürgizip jatqanın jetkizdi. «EQIW-dan basqa Qazaqstanda TMD, ŞIW, TürikPA sekildi t.b. wyımdardıñ baqılau missiyası keledi»,- dep mälimdedi SİM baspasöz qızmeti.

EQIW/AQDIB baqılauşıları Qazaqstanda prezident saylauı ayaqtalğanğa deyin bolıp, aralıq jäne qorıtındı esep jasaydı.

Qazaqstanda merziminen bwrın prezident saylauı 9 mausımda ötedi.

"The Qazaq Times"