ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) ادام قۇقىقتارى جانە دەموكراتيالىق ينستيتۋتتار بيۋروسى (اقديب) ميسسياسىنىڭ باسشىسى قازاقستان پرەزيدەنتتىگىنەن ۇمىتكەرلەرمەن كەزدەسۋگە نيەتتى. وسىلاي دەپ ۋرشۋلا گاتسەك سىرتقى ىستەر ءمينيسترى بەيبىت اتامقۇلوۆپەن كەزدەسۋ بارىسىندا ايتتى.

ءسىم ءباسپاسوز قىزمەتىنىڭ حابارلاۋىنشا، ۋرشۋلا گاتسەك ءوزى باسقاراتىن ميسسيا (قۇرامىندا 22 ۇزاقمەرزىمدى باقىلاۋشى جانە 300 قىسقامەرزىمدى باقىلاۋشى بار) سايلاۋ پروتسەسىن اۋقىمدى قاداعالاۋىنا مۇمكىندىك الاتىنىنا ءۇمىت بىلدىرگەن.

سىرتقى ىستەر مينيسترلىگى قازاقستاندا 9 ماۋسىمدا وتەتىن پرەزيدەنت سايلاۋىن باقىلايتىن حالىقارالىق ۇيىمدارمەن بەلسەندى جۇمىس جۇرگىزىپ جاتقانىن جەتكىزدى. «ەقىۇ-دان باسقا قازاقستاندا تمد، شىۇ، تۇرىكپا سەكىلدى ت.ب. ۇيىمداردىڭ باقىلاۋ ميسسياسى كەلەدى»،- دەپ مالىمدەدى ءسىم ءباسپاسوز قىزمەتى.

ەقىۇ/اقديب باقىلاۋشىلارى قازاقستاندا پرەزيدەنت سايلاۋى اياقتالعانعا دەيىن بولىپ، ارالىق جانە قورىتىندى ەسەپ جاسايدى.

قازاقستاندا مەرزىمىنەن بۇرىن پرەزيدەنت سايلاۋى 9 ماۋسىمدا وتەدى.

"The Qazaq Times"