Minbede QMDB baspasöz böliminiñ basşısı Ağabek Qonarbaywlı men Ökil imam Ermek Muhatay. Öskemen. 28.02.2017.

Qazaqstan mwsılmandarı dini basqarmasınıñ Şığıs Qazaqstan oblısı Öskemen aymğı ökildiginiñ wyımdastıruımen oblıs ortalığı Öskemen qalasında «Adamgerşilik qwndılıqtardı nasihatauda BAQ-tıñ röli» attı I respublikalıq jurnalister forumı sätti jürilip ötti dep habarlaydı meşittiñ baspasöz qızmeti.

Forumnıñ bastı maqsatı adamgerşilik qwndılıqtardı nasihattaudıñ mañızdılığımen dini ekstremizmdi nasihattaudıñ aldın alu şarasın pärmendi jürgizu, sonımen qatar QMDB-nıñ baspasöz hatşılarınıñ jwmısın jan-jaqtı jetildiruge bağıttaldı.

Alqalı basqosuğa QMDB-nıñ baspasöz böliminiñ basşısı Ağabek Qonarbaywlı men Ğalamtormen jwmıs böliminiñ basşısı Äbdihalıq Mwrat jäne Azamattıq qoğam jäne Din isteri minstrliginiñ  Din isteri komiteti Din mäselelerin zertteu jäne taldau ortalığı Islamdı zertteu böliminiñ basşısı, ğalım  Mwhan Isahan sonımen qatarDini basqarmanıñ oblıstar boyınşa baspasöz hatşıları, ŞQO dağı  jurnalister, ğalımdar, dini birlestik jetekşileri qatıstı.

Forumdı QMDB-nıñ Öskemen aymağınıñ ökil imamı, Şığıs Qazaqstan oblıstıq «Halifa Altay» meşitiniñ bas imamı Ermek qajı Kasbolatwlı aşıp, jiınnıñ maqsatı men mindetine toqtaldı.

Ol öz sözinde bügingi tañda adamgerşilik qwndılıqtardı BAQ arqılı nasihattaudıñ mañızdılığına toqtaldı. «Qazirgi tañda Elbasınıñ joldauındağı dini ekstremizmdi äleumettik jelilirelde jarnamalaudıñ aldın aluğa qoğamdıq wyımdar bolıp at salısu kerek degen tapsırması ayasında biz bwl jiındı osı maqsatqa ün qosu bağıtında wyımdastırıp otırmız. Elimizdegi BAQ tıñ aldına keleli mindet twr. Qoğamda islamdağı zayırlılıq pen adamgerşiliktiñ asıl qasietterdi nasihattauda basımdıq bere otırıp, beybitşilikti saqtaudıñ mañızı zor» dep atap ötti ol, jiınnıñ alğı sözinde.

Forumğa qatısuşılar. Öskemen 28.02.2017

Ol söz sözin «Mäñgilik eldiñ tiregi-qazaq halqınıñ bwrınğı zamannan beri kele jatqan mäñgilik qwndılıqtarın, onıñ wlt bolmısımen astasqan dästürli dinin qwrmettep, dindi tek qana senimdik wğım emes, halıqtıñ tarihı, mädenieti, dünietanımı, ömir süru mäneri retinde däriptey otırıp,

onıñ eldiñ işki twraqtılığı men memleket irgesiniñ bütindigin qorğaumen wştasatınına jetkize otırıp, BAQ arqılı adamgerşilik qwndılıqtardı jii nasihattauğa şaqırdı.

Jiında QMDB-nıñ baspasöz böliminiñ basşısı Ağabek Qonarbaywlı sındarlı bayandama jasadı.

Ol: «Qazaqstan mwsılmandarı dini basqarmasınıñ Şığıs Qazaqstan oblısı boyınşa ökildiginiñ bastamasımen ötip jatqan İ respublikalıq jurnalister forumı bügingi tañda bizdiñ qoğam üşin öte mañızdı is-şara dep atar edim», dey kele,

«Din degenimiz näzik mäsele emes pe? Oğan baysaldı közqaras kerek. Ökinişke qaray, bizdiñ eldegi keybir sayttar din mäselesine kelgende «meşitte ayaq kiim wrlandı», «molda aqşa swradı», «meşitten töbeles şıqtı» degen taqırıptardan asa almauda. Zerttelmey, anığına köz jetkizbey taratılıp jatqan osınday jañalıqtar Islamğa, din qızmetkerine degen salqın közqarastıñ payda boluına türtki boluda» dep, dini nasihat salasındağı birqatar tüytkildi mäselelerdi taldap aytıp berdi. Dini aqparat taratudıñ tıñ täsilderin wsındı.

Jiında özgede dini birlestik jetekşiler qatısıp, olar dästürli dinderdiñ adamgerşilik qwndılıqtarı jaylı söz qozğadı.

Bayandamaşı ğalım Elena Savçuk BAQ jäne din taqırıbında saliqalı oylarğa tolı bayandamasında tıñ oylarğa tolı boldı.

QR Azamattıq qoğam jäne Din isteri minstrliginiñ  Din isteri komiteti Din mäselelerin zertteu jäne taldau ortalığı Islamdı zertteu böliminiñ basşısı Mwhan Isahan qazirgi dini ahual jäne BAQ tağı nasihat töñireginde oyların ortağa saldı.

Mwhan Baymwratwlı adamgerşilik qwndılıqtardı nasihattaudıñ mağızdılığın ayta kele : «Ädebiet degen sözdiñ törkini ädep degen sözden şıqqan. Babalarımız ädep penadamgerşilikti ädebiet arqılı nasihattağan. Keñes zamanında da Wlı Abaydıñ mwraları, dini közqarası ädebiet arqılı nasihattaldı» dep atap ötti.

QMDB-nıñ Ğalamtormen jwmıs böliminiñ basşısı Mwrat Äbdihalıq

BAQ ökilderiniñ ğalamtormen jwmıs jasaudıñ tıñ täsilderinen oy örbitti.

Basqosuda jurnalsiter qauımı da adamgerşilik qwndılıqtardı nasihattaudıñ mañızdılığı, dini terminderdi qoldanu turalı mañızdı mäselelerge baylanıstı öz oyların ortağa saldı.

Jiında adamgerşilik qwndılıqtardı BAQ-ta jii nasihattau, keri ağımdardıñ jarnamalaudıñ aldın alu sonımen birge  dini jurnalistikanıñ özekti mäseleleri talqılanıp, qarar qabıldanadı.

Forumnıñ soñınan aqsaldı qariya bata berip, elimizdiñ tınıştığı men beybitşiligi üşin dwğa jasadı.

“The Qazaq Times”