Almatı sotı Qırğızstan eks-deputatın 10 jılğa sottadı.

Almatı qalalıq sotı «şekaradan kontrabandalıq tauarlar alıp ötpek boldı» jäne «transwlttıq wyımdasqan topqa qatıstı» degen ayıp tağılğan Qırğızstan Joğarı keñesiniñ bwrınğı deputatı Damirbek Asılbekwlın 10 jılğa bas bostandığınan ayırdı. Eks-deputat jazasın qauipsizdigi joğarı mekemede öteydi.

Asılbekwlımen birge 11 adam sottaldı. Olardıñ qatarında «Japbasovtar» wyımdasqan qılmıstıq tobınıñ köşbasşısı Esbol Japbasov, Mwradilov Wlanbek, Abakirov Şıñğıs, Jappasov Dosbol, Qazaqbay Mwhit, Nwrmanov Madiyar, Säulenbaev Sanjar, Tınıbaev Mwhit, Qojamqwlov Daniyar,Aul'bekov Nwrğali jäne Baygelov Quanış esimdi azamattar bar.

Qwqıq qorğau organdarı 2018 jıldıñ aqpan ayında Almatı, Jambıl, Oñtüstik Qazaqstan oblıstarı men Almatı qalasında arnayı operaciya jürgizip, 29 adamdı wstağan. Olardıñ arasında eki qırğızstandıq azamat bar bolğan. Keyinnen wstalğandardıñ biri sol uaqıtta Qırğızstan parlamentiniñ deputatı bolğan Damirbek Asılbekwlı ekendigi anıqtalğan.

"The Qazaq Times"