الماتى سوتى قىرعىزستان ەكس-دەپۋتاتىن 10 جىلعا سوتتادى.

الماتى قالالىق سوتى «شەكارادان كونتراباندالىق تاۋارلار الىپ وتپەك بولدى» جانە «ترانسۇلتتىق ۇيىمداسقان توپقا قاتىستى» دەگەن ايىپ تاعىلعان قىرعىزستان جوعارى كەڭەسىنىڭ بۇرىنعى دەپۋتاتى داميربەك اسىلبەكۇلىن 10 جىلعا باس بوستاندىعىنان ايىردى. ەكس-دەپۋتات جازاسىن قاۋىپسىزدىگى جوعارى مەكەمەدە وتەيدى.

اسىلبەكۇلىمەن بىرگە 11 ادام سوتتالدى. ولاردىڭ قاتارىندا «جاپباسوۆتار» ۇيىمداسقان قىلمىستىق توبىنىڭ كوشباسشىسى ەسبول جاپباسوۆ، ءمۇرادىلوۆ ۇلانبەك، اباكيروۆ شىڭعىس، جاپپاسوۆ دوسبول، قازاقباي مۇحيت، نۇرمانوۆ ماديار، ساۋلەنباەۆ سانجار، تىنىباەۆ مۇحيت، قوجامقۇلوۆ دانيار،اۋلبەكوۆ نۇرعالي جانە بايگەلوۆ قۋانىش ەسىمدى ازاماتتار بار.

قۇقىق قورعاۋ ورگاندارى 2018 جىلدىڭ اقپان ايىندا الماتى، جامبىل، وڭتۇستىك قازاقستان وبلىستارى مەن الماتى قالاسىندا ارنايى وپەراتسيا جۇرگىزىپ، 29 ادامدى ۇستاعان. ولاردىڭ اراسىندا ەكى قىرعىزستاندىق ازامات بار بولعان. كەيىننەن ۇستالعانداردىڭ ءبىرى سول ۋاقىتتا قىرعىزستان پارلامەنتىنىڭ دەپۋتاتى بولعان داميربەك اسىلبەكۇلى ەكەندىگى انىقتالعان.

"The Qazaq Times"