Europa Parlamenti Qıtay ükimetine eskertu jasadı. Foto: DW.

Europa Parlamenti Qıtay ükimetine eskertu jasap, qazaq, wyğır jäne tibet wlttarına bağıttalğan zañsız twtqındau, qudalau äreketterin toqtatıp, barlıq lagerdi jabuın talap etti. Beyjiñge bağıttalğan bwl eskertu Franciyanıñ Strazbrug qalasında ötken EP otırısında aytıldı.

EP-nıñ kezekti otırısı Qıtay ükimetine eskertu jasau şeşimin 47 qalıs, 18 qarsı dauıstan tıs, 505 dauıstıñ qoldauımen qabıldadı. Ortaq qararda qazaq, wyğır jäne tibet halqınıñ tağdırına alañdauşılıq bildirgen, Europa Parlamenti Qıtay biliginen Şınjañ jerindegi barlıq lagerlerdi jabudı talap etken.

Qıtaydıñ Şınjañ,Tibet qatarlı avtonomiyalı aymaqtarındağı az sandı wlttarğa jasap otırğan qısımı älemde birqatar eldiñ qarsılığına wşırauda. Bwğan deyin BWW tarabı «Üyrenu lagerleri» atağan Şınjañ jerindegi sayasi lagerler turalı tikeley mälimet jinau üşin aymaqta erkin zertteu jürgizu talabın qoyğan bolatın. Alayda, halıqaralıq qauımdastıqtıñ bwl talabın Beyjiñ biligi qabıldamadı. Tek, Qıtay ükimeti jağınan belgilengen birneşe lagerge ğana diplomattardıñ kiruine rwqsat bergen. Al, AQŞ Kongresi Qıtaydıñ az sandı wlttarğa jasağan qısımına qarsı zañ jobasın qarastıru üstinde.

 “The Qazaq Times”