Bes jaña kitaptıñ twsauın kesti. Foto: QT.

Keşe Almatıdağı Qazaqstan Jazular odağı Ädebietşiler üyinde Qazaqstan jäne Euraziya jazuşılar odağınıñ müşesi Jädi Şäkenwlınıñ bes birdey jaña kitabınıñ twsauı kesildi. Jädi Şäkenwlı bwğan deyin de «Qaralı köş», «Jänibek batır», «Bir uıs säule», «El bastağan Elishan», tağı basqa da sübeli eñbekterin oqırman qauımğa wsınğan.  

Keş tizginin aqın Bauırjan Jaqıp wstadı. Foto: QT,

Bwl ret J. Şäkenwlı «Altay alıptarı», «Qıtay qazaqtarınıñ ädebieti», «Ospan batır» attı zertteu eñbekterimen birge, «Bozmwnar» attı täuelsizdik jıldarındağı ömir tınısına arnalğan romanın jäne avtordıñ ädebi-tarihi şığarmaları jöninde jazılğan zertteuler jinağı «Begzat söz» attı bes kitabınıñ twsauın kesti.

Twsaukeserdi Qazaqstan Jazuşılar odağı basqarmasınıñ orınbasarı, aqın Bauırjan Jaqıpwlı jürgizip, «Jwldız» jurnalınıñ bas redaktorı, aqın Ğalım Jaylıbay, jazuşı Janat Ahmadi,  ädebiet tanuşı ğalım Temirhan Tebegenov, etnograf ğalım Bolat Bopay, «Er Jänibek» halıqaralıq qorınıñ prezidenti Jeñis Türkiya, Ospan batırdıñ nemeresi Örken Näbiwlı qatarlı qalamger ğalımdar men qayratkerler kitaptardıñ twsauın kesti. 

"Er Jänibek" halıqaralıq qorınıñ prezidenti Jeñis Türkiya avtorğa arnayı alğıs hat wsındı. Foto: QT,

Şığarmaşılıq keşke Düniejüzi Qazaq Qauımdastığı, Qazaqstan Jazuşılar odağı, «Otandastar» qorı arnayı qwttıqtau joldadı. Ädebiet tanuşı ğalım Temirhan Tebegenov, jazuşı Janat Aqmadi jäne aqın Däuletbek Baytwrsınwlı Jädi Şäkenwlınıñ şığarmaşığı turalı bayandama jasadı.

Keşke qalamger jazuşılar, özge de ziyalı qauım ökilderi qatıstı. Foto: QT.

Bes kitaptıñ twsauı kesilgen ädebi-şığarmaşılıq keş änmen ärlenip, küymen terbeldi. Keşke jinalğan tarihşı qalamgerler, ğalımdar ziyalı qauım men BAQ ökilderi, oqırmandar bes birdey jaña eñbekti qazaq ruhaniyatına qosılğan sübeli tuındılar retinde bağaladı.

“The Qazaq Times”