Eltañbanıñ avtorı Jandarbaek Mälibekov

Kiiz üy osıdan eki jarım mıñ jıl bwrın payda bolğan närse bolsa, sodan bergi eki jarım mıñ jılda qazaq öziniñ twrmıs-tirşiligin, salt-sanasın osı üymen baylanıstırıp kele jatır. Kiiz üy – qazaq üşin baspana ğana emes, ülken filosofiyalıq nısan. Tereñ dünietanımdıq körsetkiş. Onıñ işki qwrılısı, sırtqı körinisi, proporciyası, onı keñistikke ornalastıru ädisi... – bäri de, rasında, tereñ filosofiyanıñ jemisi. Bwl twrğısında kiiz üy – şın mäninde äli de zerttelmey kele jatqan taqırıp. Mısalı, onıñ keybir ölşemderi jwldıznamalarğa säykestendirip jasalğan degen mağlwmat bar. Tipti üydiñ ornalastırıluı künniñ şığısı men batısın ayqındap, kisige bağıt körsetetindey tärtippen jasaladı. Demek, kiiz üy – rasında da, änşeyin baspana emes, bükil qazaq halqınıñ bolmıs-bitimin, salt-sanasın körsetetin faktor. Qazaqtıñ «şañırağıñ biik bolsın, keregeñ keñ bolsın, bosağañ berik bolsın» dep tilek aytatını – sonıñ belgisi.

“The Qazaq Times”