Madina Äbilqasımova jaña qızmetke tağayındaldı.

Prem'er-ministr saytınıñ mälimetinşe, Madina Äbilqasımova ükimet qaulısı boyınşa, Wlttıq ekonomika ministriniñ birinşi orınbasarı qızmetine tağayındalğan.

Madina Äbilqasımova 1978 jılı 1 tamızda düniege kelgen. Qazaq memlekettik basqaru akademiyasın «Halıqaralıq ekonomikalıq qatınastar» mamandığı boyınşa, Kolumbiya universitetin halıqaralıq qatınastar magistri därejesimen «Ekonomikalıq sayasattı basqaru» mamandığı boyınşa,  Garvard universitetiniñ Kennedi atındağı Memlekettik basqaru mektebin «memlekettik basqaru magistri» mamandığı boyınşa bitirgen.

1999 jıldan bastap 2001 jılğa deyin — QR Strategiyalıq josparlau agenttiginiñ bas mamanı.

2003 jıldan bastap 2004 jılğa deyin — QR Ekonomika jäne byudjettik josparlau ministrliginiñ strategiyalıq josparlau basqarmasınıñ bas mamanı, basşısı.

2004 jıldan bastap 2006 jılğa deyin — QR Ekonomika jäne byudjettik josparlau ministrliginiñ «Marketingtik-taldamalıq zertteuler ortalığı» AQ memlekettik sayasattı taldau departamentiniñ direktorı.

2006 jıldan bastap 2008 jılğa deyin — Qazaqstan Respublikasınıñ Prem'er-Ministri Keñsesiniñ Äleumettik-ekonomikalıq bölim meñgeruşisiniñ orınbasarı.

2008 jıldan bastap 2011 jılğa deyin — Qazaqstan Respublikasınıñ Prezidenti Äkimşiliginiñ Strategiyalıq äzirlemeler jäne taldau ortalığı meñgeruşisiniñ orınbasarı.

2011 jıldan bastap 2013 jılğa deyin — Qazaqstan Respublikasınıñ ekonomikalıq damu jäne sauda vice-ministri.

2012 jıldan bastap — Düniejüzilik banktiñ Qazaqstandağı basqaruşısınıñ orınbasarı.

2013 jıldan bastap 2014 jılğa deyin — Qazaqstan Respublikasınıñ ekonomika jäne byudjettik josparlau vice-ministri.

2014 jıldan bastap 2018 jılğa deyin — Qazaqstan Respublikasınıñ wlttıq ekonomika vice-ministri.

2018 jılğı aqpannan bastap — Qazaqstan Respublikasınıñ eñbek jäne halıqtı äleumettik qorğau ministri bolıp qızmet atqarğan.

Ol soñğı jwmıs orını Eñbek jäne halıqtı äleumettik qorğau ministri qızmetinen ülken daumen ketken. Azamattıq belsendiler men jurnalister qauımı aqpan ayınıñ basında Astana qalasında bes büldirşinniñ ömirin qiğan qayğılı oqiğadan keyin onıñ otstavkağa ketuin talap etken. Biraq Madina hanım qızmetinen halıqtıñ talabınan keyin emes, Sağıntaev ükimeti taratılğan soñ biraq ketken.

"The Qazaq Times"