مادينا ابىلقاسىموۆا جاڭا قىزمەتكە تاعايىندالدى.

پرەمەر-مينيستر سايتىنىڭ مالىمەتىنشە، مادينا ابىلقاسىموۆا ۇكىمەت قاۋلىسى بويىنشا، ۇلتتىق ەكونوميكا ءمينيسترىنىڭ ءبىرىنشى ورىنباسارى قىزمەتىنە تاعايىندالعان.

مادينا ابىلقاسىموۆا 1978 جىلى 1 تامىزدا دۇنيەگە كەلگەن. قازاق مەملەكەتتىك باسقارۋ اكادەمياسىن «حالىقارالىق ەكونوميكالىق قاتىناستار» ماماندىعى بويىنشا، كولۋمبيا ۋنيۆەرسيتەتىن حالىقارالىق قاتىناستار ماگيسترى دارەجەسىمەن «ەكونوميكالىق ساياساتتى باسقارۋ» ماماندىعى بويىنشا،  گارۆارد ۋنيۆەرسيتەتىنىڭ كەننەدي اتىنداعى مەملەكەتتىك باسقارۋ مەكتەبىن «مەملەكەتتىك باسقارۋ ماگيسترى» ماماندىعى بويىنشا بىتىرگەن.

1999 جىلدان باستاپ 2001 جىلعا دەيىن — قر ستراتەگيالىق جوسپارلاۋ اگەنتتىگىنىڭ باس مامانى.

2003 جىلدان باستاپ 2004 جىلعا دەيىن — قر ەكونوميكا جانە بيۋدجەتتىك جوسپارلاۋ مينيسترلىگىنىڭ ستراتەگيالىق جوسپارلاۋ باسقارماسىنىڭ باس مامانى، باسشىسى.

2004 جىلدان باستاپ 2006 جىلعا دەيىن — قر ەكونوميكا جانە بيۋدجەتتىك جوسپارلاۋ مينيسترلىگىنىڭ «ماركەتينگتىك-تالدامالىق زەرتتەۋلەر ورتالىعى» اق مەملەكەتتىك ساياساتتى تالداۋ دەپارتامەنتىنىڭ ديرەكتورى.

2006 جىلدان باستاپ 2008 جىلعا دەيىن — قازاقستان رەسپۋبليكاسىنىڭ پرەمەر-ءمينيسترى كەڭسەسىنىڭ الەۋمەتتىك-ەكونوميكالىق ءبولىم مەڭگەرۋشىسىنىڭ ورىنباسارى.

2008 جىلدان باستاپ 2011 جىلعا دەيىن — قازاقستان رەسپۋبليكاسىنىڭ پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعى مەڭگەرۋشىسىنىڭ ورىنباسارى.

2011 جىلدان باستاپ 2013 جىلعا دەيىن — قازاقستان رەسپۋبليكاسىنىڭ ەكونوميكالىق دامۋ جانە ساۋدا ۆيتسە-ءمينيسترى.

2012 جىلدان باستاپ — دۇنيەجۇزىلىك بانكتىڭ قازاقستانداعى باسقارۋشىسىنىڭ ورىنباسارى.

2013 جىلدان باستاپ 2014 جىلعا دەيىن — قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ۆيتسە-ءمينيسترى.

2014 جىلدان باستاپ 2018 جىلعا دەيىن — قازاقستان رەسپۋبليكاسىنىڭ ۇلتتىق ەكونوميكا ۆيتسە-ءمينيسترى.

2018 جىلعى اقپاننان باستاپ — قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ قىزمەت اتقارعان.

ول سوڭعى جۇمىس ورىنى ەڭبەك جانە حالىقتى الەۋمەتتىك قورعاۋ ءمينيسترى قىزمەتىنەن ۇلكەن داۋمەن كەتكەن. ازاماتتىق بەلسەندىلەر مەن جۋرناليستەر قاۋىمى اقپان ايىنىڭ باسىندا استانا قالاسىندا بەس ءبۇلدىرشىننىڭ ءومىرىن قيعان قايعىلى وقيعادان كەيىن ونىڭ وتستاۆكاعا كەتۋىن تالاپ ەتكەن. بىراق مادينا حانىم قىزمەتىنەن حالىقتىڭ تالابىنان كەيىن ەمەس، ساعىنتاەۆ ۇكىمەتى تاراتىلعان سوڭ بىراق كەتكەن.

"The Qazaq Times"