Viktor Puhov därigerlik kömekke jügingen kezde, odan alkogol'diñ iisi şığıp twrdı, biraq ol jol-kölik apatına wşırağanın aytpadı dep mälimdedi därigergelik keñes beru ortalığınıñ travmatologiya böliminiñ meñgeruşisi Doolosbek Sooronbaev.
Onıñ sözinşe, tirkeu jurnalında Puhov medicinalıq ortalıqqa tüsken kezde mas bolğanı jazılğan. Puhov sonımen birge jwmıs isteytin jerin de jasırğan.
Osınıñ aldında Resey elşiliginiñ baspasöz hatşısı Dar'ya Pahomova Puhovtıñ Qırğızstannan ketip qalğanın mälimdegen. Ol sonımen birge Toyota Land Cruiser Prado köliginde Puhovtıñ otırğanın rastağan.
Esteriñizge sala ketsek, 16 aqpan küni Bişkektiñ Fuçika men Vasil'evskiy köşeleriniñ qiılısında jol-kölik apatı orın aldı. Toyota Land Cruiser Prado men «Mersedes-Sprinter» kölikteri soqtığısğan. Elşilik köligi bağdarşamnıñ qızıl belgisine qaramay ötip ketkeni aytıladı. Mersedes köliginiñ jürgizuşisi, Qırğızstan azamatı Evgeniy Leksin auruhanada qaytıs bolğan. Toyota Land Cruiser Prado köliginiñ jürgizuşisi de janbası sınğan degen diagnozben auruhanağa jatqızılğan.
«The Qazaq Times»
Redidenciya sotı. Serik Kekilbaev: Meniñ äreketterimde qılmıstıñ qwramı joq
Karaneev: Tağılğan ayıptıñ eşqaysısın moyındamaymın
rezidenciya isindegi sud'ya men belsendiniñ aytısı
9 aydıñ işinde Almatı men Jetisu oblıstarında qwrılısı ayaqtalğan joldardan 481 aqau anıqtalğan
Otanğa oralğan qandas beyimdelui nemese Qandastar men Qazaqstandağı migranttardı aqparattıq qoldau jäne äleumettik beyimdeudiñ media-strategiyası
Tarazdağı qandı Qañtar: Prokuror qañtarşılarğa berilgen jazanı qatañdatudı swradı