بىشكەكتەگى كولىك اپاتىندا ادام ولتىرگەن رەسەي ديپلوماتى ماس بولعان

ۆيكتور پۋحوۆ دءارىگەرلىك كءومەككە جءۇگىنگەن كەزدە، ودان الكوگولدىڭ ءيىسى شىعىپ تۇردى، ءبىراق ول جول-كءولىك اپاتىنا ۇشىراعانىن ايتپادى دەپ مءالىمدەدى دءارىگەرگەلىك كەڭەس بەرۋ ورتالىعىنىڭ تراۆماتولوگيا بءوءلىمىنىڭ مەڭگەرۋشىسى دوولوسبەك سوورونباەۆ.

ونىڭ سوزىنشە، تىركەۋ جۋرنالىندا پۋحوۆ مەديتسينالىق ورتالىققا تۇسكەن كەزدە ماس بولعانى جازىلعان. پۋحوۆ سونىمەن بىرگە جۇمىس ىستەيتىن جەرىن دە جاسىرعان.

وسىنىڭ الدىندا رەسەي ەلشىلىگىنىڭ ءباسپاسوز حاتشىسى داريا پاحوموۆا پۋحوۆتىڭ قىرعىزستاننان كەتىپ قالعانىن مالىمدەگەن. ول سونىمەن بىرگە Toyota Land Cruiser Prado كولىگىندە پۋحوۆتىڭ وتىرعانىن راستاعان.

ەستەرىڭىزگە سالا كەتسەك، 16 اقپان كۇنى بىشكەكءتىڭ فۋچيكا مەن ۆاسيلەۆسكي كوشەلەرىنىڭ قيىلىسىندا جول-كولىك اپاتى ورىن الدى. Toyota Land Cruiser Prado مەن «مەرسەدەس-سپرينتەر» كولىكتەرى سوقتىعىسعان. ەلشىلىك كولىگى باعدارشامنىڭ قىزىل بەلگىسىنە قاراماي ءوتىپ كەتكەنى ايتىلادى. مەرسەدەس كولىگىنىڭ جۇرگىزۋشىسى، قىرعىزستان ازاماتى ەۆگەني لەكسين اۋرۋحانادا قايتىس بولعان. Toyota Land Cruiser Prado كولىگىنىڭ جۇرگىزۋشىسى دە جانباسى سىنعان دەگەن دياگنوزبەن اۋرۋحاناعا جاتقىزىلعان.

«The Qazaq Times»