Foto: Eho Kazahstana

Sırtqı ister ministri Beybit Atamqwlov Qıtaydağı qazaq mäselesine qatıstı mälimdeme jasadı.

Parlament mäjilisinde ötken ükimet otırısında SİM Atamqwlovqa «Aq jol» partiyasınıñ müşesi, mäjilis deputatı Berik Düysenbinov Qıtaydağı qazaq mäselesine qatıstı saualdarğa jauap beruin swradı.

«Biıl qamauda otırğan qazaqtar jöninde ministrlikke 1387 arız kelip tüsti. Tüsken arızdar boyınşa, är azamatpen jeke-jeke jwmıs isteudemiz. Sebebi ärqaysınıñ jağdayı ärtürli. Qazir Qıtaydağı lager'ler mäselesi bükil älemdi şulatuda. Negizi Qıtaydıñ öziniñ işki sayasatı bar. Birqatar diplomat sol lager'lerdi kördi. Bükil älem Qıtayğa qısım jasauda» - dedi Atamqwlov.

Bwdan bölek Atamqwlov Qıtaydağı etnikalıq qazaqtardıñ «jeñildik alıp otırğandığın» ayttı.

«Bizge tüsken mälimet boyınşa, Qıtayda wstalğan qazaqtar 80 payızğa azayğan. Barlığın şetinen bosatıp jatır. Biıl qazaqtar tağı jeñildik aldı. İşki ister ministrligi jäne özge de organdarmen birlesip jwmıs istep jatırmız» - dep mälimdedi ministr.

"The Qazaq Times"