![](https://qazaqtimes.com/kk/content/uploads/2019/03/IMG_20181227_070357_864-800x480.jpg?token=b72a9fdfdeb42df152339cb74f49c375)
سىرتقى ىستەر ءمينيسترى بەيبىت اتامقۇلوۆ قىتايداعى قازاق ماسەلەسىنە قاتىستى مالىمدەمە جاسادى.
پارلامەنت ماجىلىسىندە وتكەن ۇكىمەت وتىرىسىندا ءسىم اتامقۇلوۆقا «اق جول» پارتياسىنىڭ مۇشەسى، ءماجىلىس دەپۋتاتى بەرىك دۇيسەنبينوۆ قىتايداعى قازاق ماسەلەسىنە قاتىستى ساۋالدارعا جاۋاپ بەرۋىن سۇرادى.
«بيىل قاماۋدا وتىرعان قازاقتار جونىندە مينيسترلىككە 1387 ارىز كەلىپ ءتۇستى. تۇسكەن ارىزدار بويىنشا، ءار ازاماتپەن جەكە-جەكە جۇمىس ىستەۋدەمىز. سەبەبى ارقايسىنىڭ جاعدايى ءارتۇرلى. قازىر قىتايداعى لاگەرلەر ماسەلەسى بۇكىل الەمدى شۋلاتۋدا. نەگىزى قىتايدىڭ ءوزىنىڭ ىشكى ساياساتى بار. بىرقاتار ديپلومات سول لاگەرلەردى كوردى. بۇكىل الەم قىتايعا قىسىم جاساۋدا» - دەدى اتامقۇلوۆ.
بۇدان بولەك اتامقۇلوۆ قىتايداعى ەتنيكالىق قازاقتاردىڭ «جەڭىلدىك الىپ وتىرعاندىعىن» ايتتى.
«بىزگە تۇسكەن مالىمەت بويىنشا، قىتايدا ۇستالعان قازاقتار 80 پايىزعا ازايعان. بارلىعىن شەتىنەن بوساتىپ جاتىر. بيىل قازاقتار تاعى جەڭىلدىك الدى. ىشكى ىستەر مينيسترلىگى جانە وزگە دە ورگاندارمەن بىرلەسىپ جۇمىس ىستەپ جاتىرمىز» - دەپ مالىمدەدى مينيستر.