Foto: Kapital.kz

«DEMOSCOPE qoğamdıq pikirge jedel-monitoring jürgizu byurosı» Qazaqstan azamattarı arasında «Ükimetiniñ otstavkağa ketui» taqırıbında saualnama jürgizgen. Aqpan ayınıñ 26-ı men 27-i künderi aralığında jürgizilgen saualnamağa Almatı, Astana, Şımkent qalaları jäne 14 oblıs ortalığınıñ twrğındarı arasınan  18 jastan asqan 1868 azamat qatısqan.

«Demoscope» byurosı ükimettiñ kütpegen jerden otstavkağa ketui jaylı qazaqstandıqtardıñ oyın bilgen, sonımen qatar halıqtıñ esinde qalğan eñ üzdik jäne eñ naşar ministrlerdiñ kim bolğanın da anıqtağan.  Saualnamağa qatısqan azamattardıñ köbi ükimettiñ auısqanınan auqımdı özgerister kütpeytindikterin aytqan.

Saualnama barısında qatısuşılar el esinde öziniñ adal eñbegimen qalğandardıñ top-üştigine Imanğali Tasmağambetov, Baqıtjan Sağıntaev jäne Kärim Mäsimov kirgizgen. Al ministr qızmetine «layıqsızdar» antireytingine soñğı kezderi esimderi el auızınan tüspeytin Madina Äbilqasımova, Erlan Sağadiev jäne Qanat Bozımbaevtı engizgen.

Respondentterdiñ 73%-ı ükimet müşeleriniñ eşqaysınıñ atın esine tüsire almağan. Nebäri 633 adam ğana bwl swraqqa naqtı jauap bergen.

Jürgizilgen saualnama qorıtındısına säykes, azamattardıñ 66%-ı jañadan jasaqtalğan ükimetten jağımdı özgerister kütpeytindikterin aytqan. Ministrler kabinetiniñ sayasi ıqpalın «tömen» dep bağalağan.

Qızılorda, Jambıl jäne Batıs Qazaqstan oblıstarı twrğındarınıñ jaña ükimetten küter ümitteri ülken (44%). Pavlodar jäne Qarağandı oblısınan qatısqan respondentter (49,5%) jaña komandanıñ nätijeli jwmıs jasaytınına kümänmen qaraydı.

Qatısuşılardıñ jartısı prezidenttiñ ükimetti otstavkağa jiberuin halıqtıñ narazılığınıñ artuımen, ömir süru deñgeyiniñ tömendeuimen baylanıstırğan. Respondentterdiñ 40 payızı «Sağıntaevtıñ komandası özine jüktelgen mindetti dwrıs atqara almadı» - dep jauap berse, 10%-ı bwl özgeristi elimizdiñ sayasi elitasındağı auıs-tüyistermen baylanıstırğan.

Saualnama barısında «Eks-ükimet otstavkağa ketuge layıq boldı ma?» degen de saual qoyılğan. Bwl swraqqa jauap berude respondentterdiñ üşten biri memleket basşısınıñ şeşimin tolıqtay qoldaytındıqtarın aytqan. Al 24%-ı «arasındağı biliksizderin ğana orındarınan alıp tastauğa bolar edi» degen jauaptı tañdağan. 14%-ı «bizdiñ elde köp närse ükimetke baylanıstı emes» - dep jauap bergen.

«Jaña prem'er-ministr tağayındalıp, onıñ jaña kabineti jasaqtalğannan keyin, eldegi jağday özgere me?»  degen swraqqa. Respondetterdiñ 40%-ı, «bilikke däl sol adamdar nemese solarğa wqsas adamdar keledi, barlığı sol küyinşe qaladı» dep jauap berse, üşten biri «jaña prem'er men jaña ükimet qarapayım halıqtıñ jağdayın jaqsartatına» senetindikterin aytqan. Al 26%-ı «Qazaqstanda ükimettiñ özgerui eşteñege de äser etpeydi, bizdegi jüye solay qalıptasqan» dep jauap bergen.

Zertteu barısında respondentter memleket kömegine kimderdiñ, yağni halıqtıñ qay böliginiñ mwqtaj ekenin de atağan.

Köpşiligi (41%) memleket birinşi kezekte köp balalı otbasılardı qamqorlığına aluı tiis degen. Al 26%-ı memlekettik kömektiñ basım köpşiligi jastarğa bağıttaluı kerek dep esepteydi.

"The Qazaq Times"