Foto: Azattıq radiosı

Şımkentte Qañtar oqiğasına baylanıstı "Jappay tärtipsizdik" babımen sottalğan belsendiler Janmwrat Aştaev jäne Läzzat Dosmambetova türmeden hat joldap, Europa odağınıñ deputattarı men BWW-dan araşa swradı. Bwl turalı Azattıqqa olardıñ tuıstarı habarladı dep jazdı Ortalıq Aziya jañalıqtar qızmeti.

Äl-Farabi audandıq sotınıñ şeşimimen kelispey apellyaciyalıq şağım tüsirgen belsendiler Şımkenttiñ "Säule" ıqşam audanındağı IÇ 167/11 tergeu izolyatorında jatır. Onıñ biri, köpbalalı äyel Läzzat Dosmambetovanıñ densaulığı naşarlağan.

- Anamnıñ jüregi men bası auırıp jür. Qolın kötere almaydı. Bir apta bwrın analiz tapsırdıq. Nätijesi kelmey jatır. Hattı qorğauşısı arqılı berip jiberdi, - dedi Dosmambetovanıñ qızı Ayjan Nädirbek.

Dosmambetova hatında "zañsız sottalğanın, qañtardağı jappay narazılıq kezinde konstituciyalıq qwqığın paydalanıp jwmıssızdıq, jalaqınıñ azdığı, qımbatşılıq siyaqtı äleumettik mäselelerdi aytu üşin mitingige şıqqanın, qılmıs jasamağanın aytqan".

"Europa odağınıñ deputattarı men BWW ökilderi! Sizderden Qañtar oqiğasına baylanıstı türmege kesilgen sayasi twtqındardı bosatuğa ıqpal etudi, oydan qwrastırılğan qılmıstıq isterge halıqaralıq tergeu jürgizudi swraymın" deydi belsendi hatında.

27 şildede jazılğan hattı qızı Ayjan Nädirbek 2 tamızda Facebook paraqşasında jariyalağan.

Belsendi Janmwrat Aştaev ta äyeli Möldir Nwranovanıñ äleumettik jelidegi paraqşasında jariyalanğan hatında BWW men Europa odağınan kömek swrap, sayasi belsendiligi üşin türmege tüskenin aytqan. Qazaqstanda qwqıq qorğauşılar üş belsendini "sayasi twtqın" dep tanığan edi.

15 şildede Şımkent qalasınıñ äl-Farabi audandıq sotı Qañtar oqiğasına baylanıstı Qılmıstıq kodekstiñ "Jappay tärtipsizdik" babı boyınşa ayıptalğan belsendiler Janmwrat Aştaevtı 3 jıl bir ayğa, Läzzat Dosmambetovagı 3 jıl 7 ayğa türmege kesken. Belsendiler ükimmen kelispey, apellyaciyalıq şağım tüsirgen.

51 jastağı Läzzat Dosmambetova men 44 jastağı Janmwrat Aştaev 8 qañtarda qamauğa alınğan. Olar bwl isti sayasi belsendiligimen baylanıstıradı.

Keyingi üş jıldan beri qoğamdıq-sayasi mäselelerge pikirin aşıq aytıp jürgen belsendiler bıltır "tıyım salınğan wyımnıñ isine aralastı" degen ayıppen sottalıp, ärqaysısınıñ bostandığı ärtürli merzimge şektelgen edi. Sol kezde Qazaqstannıñ täuelsiz qwqıq qorğauşıları olardı "sayasi twtqındar" qatarına qosqan.

Şımkentte 4-6 qañtar aralığında jappay narazılıq bolıp, soñı jappay dürbeleñge wlasqan. Resmi aqparat boyınşa, Şımkenttegi Qañtar oqiğasında 20 adam ölip, 200-den astam adam jaralanğan.