Prezident Nazarbaevtıñ ülken qızı, parlament deputatı Dariğa Nazarbaeva qazaqstandıq BAQ-qa qatıstı mälimdeme jasadı.

«Men özim BAQ salasınan şıqqandıqtan qazir bizdiñ bwqaralıq aqparat qwraldarında qaptap twrğan «öltirdi, zorladı, twnşıqtırdı» degenderdiñ barlığı reytingtiñ artınan qualau ekendigin bilemin. Bir jağınan bizdiñ auditoriyanı da osı dünieler qızıqtıradı. Bwl «şeñberdi aynalıp jügiru». Biz jağımdı dünieler aytqımız keledi, biraq jağımsız oqiğalar körsetetin redakciyalardıñ reytingi joğarı. Biz jağımdı jañalıqtardı bastı nazarda wstağımız keledi. Biraq bizdiñ reytingimiz qwlauda» - dep mälimdedi Dariğa Nazarbaeva jurnalister aldında söylegen sözinde.

Dariğa Nazarbaevanıñ sözinşe, ol Qazaqstanda jäne şetelde bolıp jatqan jağdaylardı kündelikti qarap, oqıp, baqılap otıradı. Onıñ işinde jağımsız jañalıqtar da bar.

«Ärine oqimın. Qalay oqımaymın? Biz bwğan nazar audaruımız kerek qoy. Men pikirlerdi oqimın, qoğamnıñ reakciyasın baqılaymın. Eger men qanday da bir ädiletsizdik körsem, biz oğan mindetti türde aralasamız. Biz bwnı jariya türde jasamaymız. Bwnıñ odan arı uşıqqanın qalamaymız. Meniñ oyımşa, wrsısıp, bir-birimizden talap etkennen qarağanda, osınday jwmıs tiimdi jäne nätijeli. Bir närse qalasañız, sonıñ jolın tauıp, qalağan dünieñizdi alıñız» - dedi Nazarbaeva.

"The Qazaq Times"