پارلامەنت دەپۋتاتى، داريعا نازارباەۆا. فوتو: راديو ازاتتىك

پرەزيدەنت نازارباەۆتىڭ ۇلكەن قىزى، پارلامەنت دەپۋتاتى داريعا نازارباەۆا قازاقستاندىق باق-قا قاتىستى مالىمدەمە جاسادى.

«مەن ءوزىم باق سالاسىنان شىققاندىقتان قازىر ءبىزدىڭ بۇقارالىق اقپارات قۇرالدارىندا قاپتاپ تۇرعان «ءولتىردى، زورلادى، تۇنشىقتىردى» دەگەندەردىڭ بارلىعى رەيتينگتىڭ ارتىنان قۋالاۋ ەكەندىگىن بىلەمىن. ءبىر جاعىنان ءبىزدىڭ اۋديتوريانى دا وسى دۇنيەلەر قىزىقتىرادى. بۇل «شەڭبەردى اينالىپ جۇگىرۋ». ءبىز جاعىمدى دۇنيەلەر ايتقىمىز كەلەدى، بىراق جاعىمسىز وقيعالار كورسەتەتىن رەداكتسيالاردىڭ رەيتينگى جوعارى. ءبىز جاعىمدى جاڭالىقتاردى باستى نازاردا ۇستاعىمىز كەلەدى. بىراق ءبىزدىڭ رەيتينگىمىز قۇلاۋدا» - دەپ مالىمدەدى داريعا نازارباەۆا جۋرناليستەر الدىندا سويلەگەن سوزىندە.

داريعا نازارباەۆانىڭ سوزىنشە، ول قازاقستاندا جانە شەتەلدە بولىپ جاتقان جاعدايلاردى كۇندەلىكتى قاراپ، وقىپ، باقىلاپ وتىرادى. ونىڭ ىشىندە جاعىمسىز جاڭالىقتار دا بار.

«ارينە وقيمىن. قالاي وقىمايمىن؟ ءبىز بۇعان نازار اۋدارۋىمىز كەرەك قوي. مەن پىكىرلەردى وقيمىن، قوعامنىڭ رەاكتسياسىن باقىلايمىن. ەگەر مەن قانداي دا ءبىر ادىلەتسىزدىك كورسەم، ءبىز وعان مىندەتتى تۇردە ارالاسامىز. ءبىز بۇنى جاريا تۇردە جاسامايمىز. بۇنىڭ ودان ارى ۋشىققانىن قالامايمىز. مەنىڭ ويىمشا، ۇرسىسىپ، ءبىر-بىرىمىزدەن تالاپ ەتكەننەن قاراعاندا، وسىنداي جۇمىس ءتيىمدى جانە ناتيجەلى. ءبىر نارسە قالاساڭىز، سونىڭ جولىن تاۋىپ، قالاعان دۇنيەڭىزدى الىڭىز» - دەدى نازارباەۆا.

"The Qazaq Times"