Japoniyadağı Sapporo qalasındağı, VII halıqaralıq qısqı Aziada-2017 turniri resmi türde 19 aqpanda bastalıp ketken. Qazirgi tañda Qazaqstan qorjınında 7 medal' bar. Alayda eşbir otandıq telearna, onıñ işinde KazSport ta oyındardı körsetip, translyaciyalap jatqan joq.  Bwl turalı Vesti.kz habarlaydı.

Foto: Vesti.kz

2011 jılda ötken qısqı Aziada oyındarınıñ jalpı esepte 32 medalmen Qazaqstan qwraması jeñip alğanı barşağa mälim. Biraq osı jolı qazaqstandıqtardıñ köñilinen şığatın nätije körsetilmey jatır. Onıñ üstine körermenniñ tağı bir köñili tolmaytını – qazaqstandıq telearnalardıñ atalmış dodanı translyaciyalamauı. Onı tek «Aziada-2017» saytınan ğana köre aladı. Alayda el qorjınına jalğız «altın» salınğan sayıs türi – «şañğımen jarıs» saytta translyaciyalanatın oyındardıñ qatarına enbey qalğan.

Foto: Vesti.kz

Keşe de Qazaqstan men Oñtüstik Koreya sınğa tüsken, köpten kütken erler arasındağı hokkey oyındarın körermen jalğız kameralı tüsirilim arqılı tamaşaladı. Sol sebepti de oyınnıñ barısı tüsiniksiz boldı. Ayta ketetini, Qazaqstan qwraması 4:0 esebimen jeñiske jetti.

Foto: Vesti.kz

Nege Aziada-2017 qısqı oyındarınıñ translyaciyasın emes, äli künge Universiada-2017 oyındarına qaytalau berip jatqandığın aldağı uaqıtta QazSport arnası tüsindiretin boladı.

Eske sala keteyik, Qazaqstan jalpı esepte 7 medal'men (1 altın, 2 kümis, 4 qola) törtinşi orında.

«The Qazaq Times»