جاپونياداعى ساپپورو قالاسىنداعى، VII حالىقارالىق قىسقى ازيادا-2017 ءتۋرنيرى رەسمي تۇردە 19 اقپاندا باستالىپ كەتكەن. قازىرگى تاڭدا قازاقستان قورجىنىندا 7 مەدال بار. الايدا ەشبىر وتاندىق تەلەارنا، ونىڭ ىشىندە KazSport تا ويىنداردى كورسەتىپ، ترانسلياتسيالاپ جاتقان جوق.  بۇل تۋرالى Vesti.kz حابارلايدى.

فوتو: Vesti.kz

2011 جىلدا وتكەن قىسقى ازيادا ويىندارىنىڭ جالپى ەسەپتە 32 مەدالمەن قازاقستان قۇراماسى جەڭىپ العانى بارشاعا ءمالىم. بىراق وسى جولى قازاقستاندىقتاردىڭ كوڭىلىنەن شىعاتىن ناتيجە كورسەتىلمەي جاتىر. ونىڭ ۇستىنە كورەرمەننىڭ تاعى ءبىر كوڭىلى تولمايتىنى – قازاقستاندىق تەلەارنالاردىڭ اتالمىش دودانى ترانسلياتسيالاماۋى. ونى تەك «ازيادا-2017» سايتىنان عانا كورە الادى. الايدا ەل قورجىنىنا جالعىز «التىن» سالىنعان سايىس ءتۇرى – «شاڭعىمەن جارىس» سايتتا ترانسلياتسيالاناتىن ويىنداردىڭ قاتارىنا ەنبەي قالعان.

فوتو: Vesti.kz

كەشە دە قازاقستان مەن وڭتۇستىك كورەيا سىنعا تۇسكەن، كوپتەن كۇتكەن ەرلەر اراسىنداعى حوككەي ويىندارىن كورەرمەن جالعىز كامەرالى ءتۇسىرىلىم ارقىلى تاماشالادى. سول سەبەپتى دە ويىننىڭ بارىسى تۇسىنىكسىز بولدى. ايتا كەتەتىنى، قازاقستان قۇراماسى 4:0 ەسەبىمەن جەڭىسكە جەتتى.

فوتو: Vesti.kz

نەگە ازيادا-2017 قىسقى ويىندارىنىڭ ترانسلياتسياسىن ەمەس، ءالى كۇنگە ۋنيۆەرسيادا-2017 ويىندارىنا قايتالاۋ بەرىپ جاتقاندىعىن الداعى ۋاقىتتا قازسپورت ارناسى تۇسىندىرەتىن بولادى.

ەسكە سالا كەتەيىك، قازاقستان جالپى ەسەپتە 7 مەدالمەن (1 التىن، 2 كۇمىس، 4 قولا) ءتورتىنشى ورىندا.

«The Qazaq Times»