Foto: naked-science

Perm'dik programmist Aleksandr Osipoviç 3D- printerdiñ kömegimen  «Terminator» fantastikalıq fil'mindegi T-800 model'di robot jasap şığardı. Ol söylese aladı jäne üyrene aladı. Bwl turalı naked-science habarlaydı.

Robottıñ negizi  adamdardıki siyaqtı qañqadan, yağni metall qañqadan twradı. Osınday robottar fil'mde öltiruge arnalğan eñ kerekmet qaru retinde körsetilgen. Degenmen, A. Osipoviçtiñ oylap tapqan robotı eşkimdi mert qılayın dep twrğan joq. Esesine giroskop arqılı kez kelgen dünieni anıqtap, swraqtarğa jauap bere aladı.

Foto: naked-science

Bwl qalay jüzege asadı? Kerekti aqparattı T-800 ğalamtordan aladı. Sonıñ esebinen öziniñ «bilimin jetildire» aladı. «Terminator» basın qozğalta aladı jäne qazirgi kezde programmist onıñ basqa «denelerin» jasap, ayaqqa twrğızudı oylastırıp, aldağı uaqıtta bar-küşin salatındığın jetkizgen. Sonday-aq ol öziniñ jasap şığarğan ädisiniñ az qwpiyasın aşqan. Mäselen, robottıñ «miın» jasap şığaru üşin programmalaudıñ Visual Basic tilin qoldanğan. Al suretiniñ sızbanwsqasın 2013 jılı Google kompaniyasınan alğan. Sol jıldan bastap 3D-printerde robottı şığara bastağan.

Aleksandr Osipoviçtiñ jasağanı nağız «terminator» bola almaydı. Osınıñ aldında Tokio universitetindegi japondıq ğalımdar  tolıqqandı android jasap şığaru maqsatında, bwlşıq etteri bar jaña jasandı robot oylap tapqan.

«The Qazaq Times»