Foto: inform.kz

Osıdan birer sağat bwrın alaştıñ belgili aqını, Halıqaralıq "Alaş" ädebi sıylığınıñ laureatı,  Qazaqstan Jazuşılar odağı basqarmasınıñ müşesi Orazaqın Asqar 83 jasqa qarağan şağında ömirden ozdı. Aqınmen qoştasu räsimi 25 qañtarda sağat 10.00-de Qazaqstan Jazuşılar odağında ötedi.

Orazaqın Asqar 1935 jılı 16 mamırda Şığıs Türkistan ölkesiniñ İle aymağına qarastı Mükey Qaratas degen jerde düniege kelgen. Bastauış bilimdi Sarıbwlaq mektebinde alıp, Qwlja qalasındağı "Bilim jwrtı" dep atalatın gimnaziyada oqığan. 1951 jılı Ürimşi qalasında aşılğan Wlttar institutınıñ til jäne ädebiet fakul'tetine tüsip, onıñ ekinşi kursın ayaqtağannan keyin "Şıñjañ gazeti" redakciyasına qızmetke twradı. Bwl jıldarı sol gazetke jäne "Şwğıla" jurnalına öleñderi jii jariyalana bastaydı. 1955 jılı atamekeni Qazaqstanğa köşip kelip, 1961 jılı Qazaq Memlekettik universitetiniñ filologiya fakul'tetin bitirip şığadı.

1955 jılı jarıq körgen "Qos jürek" attı jas aqındardıñ wjımdıq jinağına öleñderi engen. Biraz jıl Qazaq KSR Ğılım akademiyasınıñ Ş.Uälihanov atındağı Tarih, etnografiya jäne arheologiya institutında kişi ğılımi qızmetker, odan keyin Qazaqstan Jazuşılar odağınıñ körkem ädebietti nasihattau byurosında nwsqauşı, respublikalıq Kitap palatasında bölim meñgeruşisi, "Jalın" baspasında ağa redaktor bolğan. Qazaqtıñ qara öleñin jinap, eki tomın bastırdı.

"Balausa" baspasında "Ädebi mwra" bağdarlamasına oray, "Älem balalar ädebietiniñ "qazaq tilindegi elu tomdığın şığaru jwmısına atsalısqan.

1996 jıldan beri Qazaqstan Jazuşılar odağı basqarmasınıñ müşesi. Halıqaralıq "Alaş" ädebi sıylığınıñ laureatı. "Eren eñbegi üşin", "Täuelsizdiktiñ 10 jılı" medal'darınıñ iegeri. Mwqağali atındağı sıylıqtıñ iegeri. Panfilov audanınıñ Qwrmetti azamatı.

Marqwmnıñ janı jännatta, topırağı torqa bolsın!

"The Qazaq Times"