Prezident saylauına dayındıq qalay bastaldı?

Qañtar ayınıñ 17-i küni «Nwr Otan» partiyası törağasınıñ birinşi orınbasarı Mäulen Äşimbaev öziniñ «Facebook» paraqşasına 27 aqpan küni bilik partiyasnıñ HVIII s'ezi ötetindigin mälimdedi. Osıdan keyin sarapşılar men jurnalist bitken «Nwr Otan» kezekti qwrıltayında qanday bastama köteredi?», «Bwl merziminen bwrın ötetin prezident saylauına dayındıq emes pe?» - degen swraqtarğa jauap izdey bastadı. Bwnday swraqtarğa jauap izdeu Qazaqstan sayasi alañında zañdı process ekendigi belgili. Sebebi «Nwr Otan» partiyasınıñ soñğı 10 jılda bolğan qwrıltaylarınıñ barlığı saylauğa dayındıq jasau alañı retinde paydalanılıp keledi.

«Şeneunik dese, jemqor eske tüsedi» - degendey, qazir qwrıltay dese, eldiñ esine saylau sap ete qaladı. Bwl da halıqtıñ basına özge ğalamşardan kelip qonğan oy emes. 2005 jılı (ol kezde äli «nwr» emes) «Otan» partiyasınıñ VIII qwrıltayı Nwrswltan Nazarbaevtı partiya atınan prezident saylauına wsınumen ayaqtaldı. Däl osı uaqıttan bastap partiya s'ezderiniñ barlığı derlik saylauğa dayındıq wstahanasınıñ rölin atqardı.

2010 jıldıñ jeltoqsan ayında Öskemen qalasınan şıqqan bastamaşıl top Nazarbaevtıñ prezidenttik ökilettigin 2020 jılğa deyin sozuğa baylanıstı referendum ötkizudi wsınıp «swmdıq» sayasi bastama köterdi. Bwnday «nouhaudı» bwrın soñdı körmegen «halıq», wsınıstı qoldap, äp-sätte 5 million adamnıñ qolın jinap, «qalğanımız osılarğa qosılamız» - degen emeurin tanıttı. Biraq, Nazarbaev 2011 jıldıñ qañtarında 5 million halıqtıñ osınşalıqtı ıqılas-tilegine qaramastan referendum ötkizudi qabıldamay tastadı. Keyinnen prezidenttiñ bwl şeşimin Konstituciyalıq keñes te qoldadı. Biraq köp wzamay Nazarbaev 2011 jıldıñ 4 aqpanında merziminen bwrın prezident saylauın ötkizu jönindegi qaulığa qol qoydı. Arada bir apta uaqıt ötken soñ 11 aqpan küni «Nwr Otan» partiyasınıñ HIII qwrıltayı ötip, kün tärtibindegi bastı mäsele partiya atınan Nwrswltan Nazarbaevtı prezident saylauına wsınu boldı.

Bwğan qosa 2011 jılı merziminen bwrın parlament saylauın ötkizu jöninde bastama köterildi. Qazan ayınıñ 11-i küni prezident parlament mäjilisin taratıp, parlament saylauın 2012 jıldıñ 15 qañtarına belgiledi. Aradı 9 kün ötken soñ Astana qalasında «Nwr Otan» partiyasınıñ kezekten tıs XIV qwrıltayı ötti. S'ezde partiyanıñ saylau aldı platforması qabıldandı.

2015 jıldıñ aqpan ayında (eski äuen boyınşa) Qazaqstan halıqtar Assambleyası merziminen bwrın prezident saylauın ötkizu jöninde bastama köterdi. Naurız ayınıñ 11-i küni «Nwr Otan» partiyasınıñ XVİ qwrıltayı ötip, prezidenttikke bir auızdan Nwrswltan Nazarbaevtıñ kandidaturası wsınıldı.

2016 jıldıñ basında (deputattardıñ bastaması boyınşa) parlament mäjilisi taratılıp,  29 qañtar küni « Nwr Otan» partiyasınıñ XVİİ qwrıltayı ötti. S'ezd şın mäninde saylauğa dayındıqtıñ qozğauşı küşi boldı. Sebebi qwrıltayda partiyanıñ saylau aldı bağdarlamasın talqılaudan bölek, saylaudı wyımdastıru mäseleleri de talqılandı.

2005 jıldan beri ötip kele jatqan «Nwr Otan» partiyası qwrıltaylarınıñ hronologiyası qısqaşa osınday. Bilik partiyasınıñ soñğı 14 jılda ötkizgen qwrıltaylarınıñ işinde tek bir ğana s'ezd saylauğa arnalmağan. Atap aytqanda 2013 jıldıñ qazan ayında ötken XV qwrıltay partiya Doktrinasın qabıldaumen ğana şekteldi.

Qorıta aytqanda aqpan ayında ötetin bilik partiyasınıñ qwrıltayında qanday bastamalar köteriletinin döp basıp aytu qiın. Dese de, soñğı 14 jılda bolğan s'ezderge qarasañ, osı jolğı prezident saylauına dayındıq 27 aqpannan bastalıp ketui de ğajap emes. Sebebi "qwrıltay men saylau egiz wğım"...

"The Qazaq Times"