قاڭتار ايىنىڭ 17-ءى كۇنى «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ ءوزىنىڭ «Facebook» پاراقشاسىنا 27 اقپان كۇنى بيلىك پارتياسنىڭ حVIII سەزى وتەتىندىگىن مالىمدەدى. وسىدان كەيىن ساراپشىلار مەن جۋرناليست بىتكەن «نۇر وتان» كەزەكتى قۇرىلتايىندا قانداي باستاما كوتەرەدى؟»، «بۇل مەرزىمىنەن بۇرىن وتەتىن پرەزيدەنت سايلاۋىنا دايىندىق ەمەس پە؟» - دەگەن سۇراقتارعا جاۋاپ ىزدەي باستادى. بۇنداي سۇراقتارعا جاۋاپ ىزدەۋ قازاقستان ساياسي الاڭىندا زاڭدى پروتسەسس ەكەندىگى بەلگىلى. سەبەبى «نۇر وتان» پارتياسىنىڭ سوڭعى 10 جىلدا بولعان قۇرىلتايلارىنىڭ بارلىعى سايلاۋعا دايىندىق جاساۋ الاڭى رەتىندە پايدالانىلىپ كەلەدى.
«شەنەۋنىك دەسە، جەمقور ەسكە تۇسەدى» - دەگەندەي، قازىر قۇرىلتاي دەسە، ەلدىڭ ەسىنە سايلاۋ ساپ ەتە قالادى. بۇل دا حالىقتىڭ باسىنا وزگە عالامشاردان كەلىپ قونعان وي ەمەس. 2005 جىلى (ول كەزدە ءالى «نۇر» ەمەس) «وتان» پارتياسىنىڭ VIII قۇرىلتايى نۇرسۇلتان نازارباەۆتى پارتيا اتىنان پرەزيدەنت سايلاۋىنا ۇسىنۋمەن اياقتالدى. ءدال وسى ۋاقىتتان باستاپ پارتيا سەزدەرىنىڭ بارلىعى دەرلىك سايلاۋعا دايىندىق ۇستاحاناسىنىڭ ءرولىن اتقاردى.
2010 جىلدىڭ جەلتوقسان ايىندا وسكەمەن قالاسىنان شىققان باستاماشىل توپ نازارباەۆتىڭ پرەزيدەنتتىك وكىلەتتىگىن 2020 جىلعا دەيىن سوزۋعا بايلانىستى رەفەرەندۋم وتكىزۋدى ۇسىنىپ «سۇمدىق» ساياسي باستاما كوتەردى. بۇنداي «نوۋحاۋدى» بۇرىن سوڭدى كورمەگەن «حالىق»، ۇسىنىستى قولداپ، ءاپ-ساتتە 5 ميلليون ادامنىڭ قولىن جيناپ، «قالعانىمىز وسىلارعا قوسىلامىز» - دەگەن ەمەۋرىن تانىتتى. بىراق، نازارباەۆ 2011 جىلدىڭ قاڭتارىندا 5 ميلليون حالىقتىڭ وسىنشالىقتى ىقىلاس-تىلەگىنە قاراماستان رەفەرەندۋم وتكىزۋدى قابىلداماي تاستادى. كەيىننەن پرەزيدەنتتىڭ بۇل شەشىمىن كونستيتۋتسيالىق كەڭەس تە قولدادى. بىراق كوپ ۇزاماي نازارباەۆ 2011 جىلدىڭ 4 اقپانىندا مەرزىمىنەن بۇرىن پرەزيدەنت سايلاۋىن وتكىزۋ جونىندەگى قاۋلىعا قول قويدى. ارادا ءبىر اپتا ۋاقىت وتكەن سوڭ 11 اقپان كۇنى «نۇر وتان» پارتياسىنىڭ حIII قۇرىلتايى ءوتىپ، كۇن تارتىبىندەگى باستى ماسەلە پارتيا اتىنان نۇرسۇلتان نازارباەۆتى پرەزيدەنت سايلاۋىنا ۇسىنۋ بولدى.
بۇعان قوسا 2011 جىلى مەرزىمىنەن بۇرىن پارلامەنت سايلاۋىن وتكىزۋ جونىندە باستاما كوتەرىلدى. قازان ايىنىڭ 11-ءى كۇنى پرەزيدەنت پارلامەنت ءماجىلىسىن تاراتىپ، پارلامەنت سايلاۋىن 2012 جىلدىڭ 15 قاڭتارىنا بەلگىلەدى. ارادى 9 كۇن وتكەن سوڭ استانا قالاسىندا «نۇر وتان» پارتياسىنىڭ كەزەكتەن تىس XIV قۇرىلتايى ءوتتى. سەزدە پارتيانىڭ سايلاۋ الدى پلاتفورماسى قابىلداندى.
2015 جىلدىڭ اقپان ايىندا (ەسكى اۋەن بويىنشا) قازاقستان حالىقتار اسسامبلەياسى مەرزىمىنەن بۇرىن پرەزيدەنت سايلاۋىن وتكىزۋ جونىندە باستاما كوتەردى. ناۋرىز ايىنىڭ 11-ءى كۇنى «نۇر وتان» پارتياسىنىڭ ءXVى قۇرىلتايى ءوتىپ، پرەزيدەنتتىككە ءبىر اۋىزدان نۇرسۇلتان نازارباەۆتىڭ كانديداتۋراسى ۇسىنىلدى.
2016 جىلدىڭ باسىندا (دەپۋتاتتاردىڭ باستاماسى بويىنشا) پارلامەنت ءماجىلىسى تاراتىلىپ، 29 قاڭتار كۇنى « نۇر وتان» پارتياسىنىڭ ءXVىى قۇرىلتايى ءوتتى. سەزد شىن مانىندە سايلاۋعا دايىندىقتىڭ قوزعاۋشى كۇشى بولدى. سەبەبى قۇرىلتايدا پارتيانىڭ سايلاۋ الدى باعدارلاماسىن تالقىلاۋدان بولەك، سايلاۋدى ۇيىمداستىرۋ ماسەلەلەرى دە تالقىلاندى.
2005 جىلدان بەرى ءوتىپ كەلە جاتقان «نۇر وتان» پارتياسى قۇرىلتايلارىنىڭ حرونولوگياسى قىسقاشا وسىنداي. بيلىك پارتياسىنىڭ سوڭعى 14 جىلدا وتكىزگەن قۇرىلتايلارىنىڭ ىشىندە تەك ءبىر عانا سەزد سايلاۋعا ارنالماعان. اتاپ ايتقاندا 2013 جىلدىڭ قازان ايىندا وتكەن XV قۇرىلتاي پارتيا دوكتريناسىن قابىلداۋمەن عانا شەكتەلدى.
قورىتا ايتقاندا اقپان ايىندا وتەتىن بيلىك پارتياسىنىڭ قۇرىلتايىندا قانداي باستامالار كوتەرىلەتىنىن ءدوپ باسىپ ايتۋ قيىن. دەسە دە، سوڭعى 14 جىلدا بولعان سەزدەرگە قاراساڭ، وسى جولعى پرەزيدەنت سايلاۋىنا دايىندىق 27 اقپاننان باستالىپ كەتۋى دە عاجاپ ەمەس. سەبەبى "قۇرىلتاي مەن سايلاۋ ەگىز ۇعىم"...
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى